კორუფციის ბრალდებით დაკავებულ ევროპარლამენტის ვიცე-პრეზიდენტს, ევა კაილის უფლებამოსილება შეუჩერეს. აღნიშნულ ინფორმაციას "დოიჩე ველე" ავრცელებს. 

გამოცემის ცნობით, ბერძენ ევროპარლამენტარს უფლებამოსილება მსოფლიო ჩემპიონატის მასპინძელ კატართან დაკავშირებულ კორუფციულ საქმეზე გამოძიების გამო შეუჩერდა. 

"ევროპარლამენტის პრეზიდენტმა რობერტა მეცოლამ გადაწყვიტა, დაუყოვნებლივ შეაჩეროს ყველა უფლებამოსილება, მოვალეობა და ამოცანები, რომლებიც დელეგირებული იყო ევა კაილისთვის ევროპარლამენტის ვიცე-პრეზიდენტის რანგში“, - განაცხადა სპიკერმა.

როგორც "დოიჩე ველე" წერს, მანამდე ევროპელმა პოლიტიკოსებმა კაილის გადადგომისკენ მოუწოდეს მას შემდეგ, რაც ის ფულის გათეთრებისა და კორუფციის საქმეში ეჭვმიტანილად ცნეს.

ცნობისთვის, ბერძენი ევროპარლამენტარი ერთ-ერთია იმ 5 პირს შორის, რომლებიც აღნიშნულ საქმეზე ბელგიის პოლიციამ დააკავა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს