რუსეთი თავის ბირთვულ არსენალს აფართოებს, - ამის შესახებ ამერიკის შეერთებული შტატების სახელმწიფო მდივანმა, ლოიდ ოსტინმა განაცხადა.

როგორც პენტაგონის ხელმძღვანელმა აღნიშნა, პრეზიდენტი ვლადიმერ პუტინი ამ ნაბიჯებს დგამს იმ ფონზე, როდესაც რუსეთის შეჭრა უკრაინაში გრძელდება და თვითონ პუტინი ომში ბირთვული იარაღის გამოყენებასთან დაკავშირებით იმუქრება.

„და სანამ კრემლი აგრძელებს სასტიკ და არაპროვოცირებულ ომს უკრაინის წინააღმდეგ, მთელმა მსოფლიომ დაინახა, რომ პუტინი ღრმად უპასუხისმგებლო ბირთვულ მუქარაში ჩაერთო“, - განაცხადა ლოიდ ოსტინმა და ყურადღება გაამახვილა ჩინეთის ბირთვულ ძალებზეც, რომელიც პენტაგონის ხელმძღვანელის თქმით, მზარდი, მოდერნიზებული და დივერსიფიცირებულია.

შეგახსენებთ, მას შემდეგ, რაც რუსეთის ფედერაციამ უკრაინაში სრულმასშტაბიანი ომი წამოიწყო, ვლადიმერ პუტინმა ბირთვული იარაღის გამოყენებასთან დაკავშირებით არაერთი გამაფრთხილებელი განცხადება გააკეთა. მართალია, რუსეთის პრეზიდენტმა ოქტომბერში თქვა, რომ უკრაინაში მასობრივი განადგურების იარაღს არ გამოიყენებს, მაგრამ პრეზიდენტმა, ჯო ბაიდენმა ეჭვქვეშ დააყენა მისი სიტყვები და ხაზი 9-თვიანი ომის პერიოდში რუსეთის რიტორიკას გაუსვა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს