ევროკავშირის ქვეყნებმა რუსი ოლიგარქებისა და რუსული კომპანიების კუთვნილი 18.9 მილიარდი ევროს ღირებულების აქტივები გაყინეს. აღნიშნულის შესახებ ინფორმაციას deutsche well ავრცელებს.

მათი ცნობით, ყველაზე მეტი - 3.5 მილიარდი ევრო ბელგიამ დააყადაღა, მეორე ადგილზეა ლუქსემბურგი 2,5 მილიარდით და გერმანია 2,2 მილიარდი ევროს ღირებულების გაყინული აქტივებით.

სიაში მოხვდა ასევე მალტაც, ქვეყანა, სადაც მოქმედებს საკამათო "ოქროს პასპორტის" სქემა მდიდარი ინვესტორებისთვის, მათ შორის რუსებისთვის, სადაც 146 558 ევროა დაბლოკილი. სიაშია ასევე საბერძნეთი 212 201 ევროთი.

აღსანიშნავია, რომ აქტივების გაყინვას და ევროკავშირში შესვლის აკრძალვას, საერთო ჯამში, 1241 ფიზიკური პირი და 118 ორგანიზაცია ექვემდებარება უკრაინის კონფლიქტში მათი როლის გამო.

ამასთან, როგორც მანამდე ევროკომისიის პრეზიდენტმა, ურსულა ფონ დერ ლაიენმა განაცხადა, ბრიუსელში ამ აქტივების კონფისკაციისა და უკრაინისთვის მიყენებული ზიანის ანაზღაურების საკითხი აქტიურად განიხილება.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს