კატარში, მსოფლიო ჩემპიონატის მატჩის გაშუქებისას, ცნობილი ამერიკელი სპორტული ჟურნალისტი გრანტ უოლი გარდაიცვალა.

შემთხვევა ნიდერლანდები-არგენტინას თამაშის დროს მოხდა.

თვითმხილველების თქმით, უოლი სტადიონზე ჟურნალისტებისთვის განკუთვნილ ადგილას იმყოფებოდა, რა დროსაც გონება დაკარგა და დაეცა.

მისი გარდაცვალების გარემოებები და მიზეზი უცნობია.

„აშშ-ის ფეხბურთის მთელ ოჯახს გული სტკივა იმის გაგებით, რომ ჩვენ დავკარგეთ გრანტ უოლი", - წერს აშშ-ის ფეხბურთის ფედერაცია.

აღსანიშნავია, რომ გარდაცვალებამდე რამდენიმე დღით ადრე, 6 დეკემბერს, უოლმა პირად ვებსაიტზე გამოქვეყნებულ პოსტში თქვა, რომ თავს ცუდად გრძნობდა.

უოლის თქმით, დახმარებისთვის მსოფლიო ჩემპიონატის მედიაცენტრის სამედიცინო კლინიკას მიმართა, რადგან მას ეგონა, რომ ბრონჰიტი ჰქონდა.

გრანტ უოლი CBS Sport-ის ამერიკელი სპორტული ჟურნალისტი და ფეხბურთის ანალიტიკოსი იყო. ის ფეხბურთს 20 წელზე მეტი ხნის განმავლობაში აშუქებდა, მათ შორის მუშაობდა 11 მსოფლიო ჩემპიონატზე.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს