ევროპარლამენტში ვაპირებთ მთელი მომდევნო კვირა მობილიზებას, რათა მიშა ევროპულ ჰოსპიტალში გადაიყვანონ,- ამის შესახებ ფრანგმა ევროპარლამენტარმა, რაფაელ გლუკსმანმა განაცხადა.

გლუკსმანის განცხადებით, ამერიკელმა მეცნიერებმა, რომლებმაც გამოიკვლიეს მიშას თმა და ფრჩხილის ნიმუშები, დაადგინეს. რომ ის მოწამლულია დარიშხანითა და ვერცხლისწყლით. დღეს კი მისი სიცოცხლე ძაფზეა ჩამოკიდებული.

„ვაპირებთ თუ არა ციხეში სიკვდილის ნება მივცეთ ადამიანს, რომელიც პუტინის ნომერ პირველი მტერი იყო?

მიხეილ სააკაშვილი სრულიად მართალი იყო. საქართველოს პრეზიდენტი 2004 წლიდან 2013 წლამდე გვაფრთხილებდა იმ საფრთხის შესახებ, რომელსაც კრემლი უქმნიდა მთელი ევროპის კონტინენტს და ის შეეჯახა ჩვენი მთავრობების სიბრმავეს, სიყრუეს და კომპრომისებს.

სრულიად არარეალისტური „რეალური პოლიტიკის“ მიმდევრები, რომლებიც იმ დროს მართავდნენ დასავლურ დემოკრატიებს, დათანხმდნენ საქართველოს დაშლას 2008 წელს, როდესაც ქვეყანაში რუსული ჯარები შეიჭრნენ. მათ უარი თქვეს თბილისიდან მომავალი განგაშის გაგონებაზე. მათ სააკაშვილს გიჟი ან შეშლილი უწოდეს, როდესაც მან განაცხადა, რომ პუტინი არ გაჩერდება კავკასიაში, რომ ის უკრაინას თავს დაესხმება და რომ მისი ჯვაროსნული ლაშქრობა სწორედ ევროპულ იდეას ემუქრებოდა.

იმ დროს საქართველოში ვიყავი და მახსოვს, როგორ მარტო ვგრძნობდით თავს იქ, სოლიდარობის ოდნავი ჟესტისთვის და ოდნავი მხარდაჭერისთვისაც გვიწევდა თხოვნა. გაზის კონტრაქტების კედლისა და მიძინებული სინდისის მავთულხლართების პირისპირ.

დღეს ჩვენ ვიცით, რომ სააკაშვილი მართალი იყო და ჩვენი მაშინდელი ლიდერები ცდებოდნენ. დღეს ჩვენ გვაინტერესებს, როგორ შეიძლება ვიყოთ ასე გულუბრყვილოები და მშიშრები ამდენი ხანი. დღეს ჩვენ ვამტკიცებთ, რომ გადავიაზრეთ. და ვითარება შეიცვალა.

მაგრამ დღეს ადამიანს, რომელმაც ჩვენს დახურულ კარებზე დააკაკუნა, გისოსებს მიღმა სიკვდილის საფრთხე ემუქრება. ოლიგარქ ბიძინა ივანიშვილის პირადი მძევალი, რომელიც ფარულად მართავს ქვეყანას, რომელმაც რუსეთში დააგროვა თავისი ქონება და არასოდეს გაუწყვეტია კავშირები.[რუსეთთან]

მიშა - ამერიკელი მეცნიერების აზრით, რომლებმაც გამოიკვლიეს მისი თმა და ფრჩხილის ნიმუშები - მოწამლულია დარიშხანითა და ვერცხლისწყლით. დღეს მისი სიცოცხლე ძაფზეა ჩამოკიდებული.

დღეს ეს ძაფი ევროპაზე გადის. ჩვენს ლიდერებს მისი გადარჩენის საშუალება აქვთ. საქართველოს მთავრობა, რომელიც ცდილობს, გარეგნულად მაინც შეინარჩუნოს თავისი პოზიცია, როგორც დამაბალანსებელი აქტი ბრიუსელსა და მოსკოვს შორის - ვერ გაუწევს წინააღმდეგობას ევროპის ძლიერ და კოორდინირებულ ზეწოლას. კერძოდ, პარიზს შეიძლება ჰქონდეს გავლენა, რადგან საქართველოს ამჟამინდელი პრეზიდენტი ფრანგია და ოლიგარქს, რომელიც ქვეყანას აკონტროლებს, ასევე აქვს ფრანგული პასპორტი[...]

ევროპარლამენტში ვაპირებთ მთელი მომდევნო კვირა მობილიზებას, რათა მიშა ევროპულ ჰოსპიტალში გადაიყვანონ. რათა ჩვენმა ქვეყნებმა ხვალ არ დაუშვან პრეზიდენტი სიჩუმეში მოკვდეს, პრეზიდენტი, რომელსაც გუშინ ასე ჯიუტად არ უგდებდნენ ყურს“,- წერს გლუკსმანი.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი