2022-12-09 13:23:54, 2521 ნახვა
სამართალი
მოსამართლემ სააკაშვილის სასჯელის გადავადებაზე მსჯელობა გადადო - პროცესი 14 დეკემბერს გაიმართება
თბილისის საქალაქო სასამართლოში საქართველოს მესამე პრეზიდენტის, მიხეილ სააკაშვილის სასჯელის გადავადებაზე მსჯელობა გადაიდო.
როგორც მოსამართლე გიორგი არევაძემ განაცხადა, პროცესი ოთხშაბათს, 14 დეკემბერს 11:00 საათზე გაიმართება.
"ჩვენ დავიწყოთ დილით, 11 საათზე, არსებული პრაქტიკით საპატიმრო საქმეებს ამ საათზე ვნიშნავთ, რომ რაიმე შეფერხება არ გვქონდეს. 14 დეკემბერი 11 საათზე გაიმართება შემდეგი, დღევანდელი სხდომა",- განუცხადა ექსპრეზიდენტის ადვოკატს მოსამართლემ.
შეგახსენებთ, რომ ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.
ავტორი: ექსპრესნიუსი,
epn.ge (@expressnews.ge)
