აშშ-ის სენატის საგარეო ურთიერთობათა კომიტეტმა მიიღო რეზოლუცია, რომელიც უკრაინის წინააღმდეგ რუსეთის ქმედებებს გენოციდად ცნობს. ამის შესახებ ნათქვამია დეპარტამენტის ვებგვერდზე.
რეზოლუცია გმობს რუსეთს "უკრაინის ხალხის წინააღმდეგ გენოციდის ჩადენისთვის" და მოუწოდებს შეერთებულ შტატებს და მის ნატოსა და ევროკავშირის მოკავშირეებს მხარი დაუჭირონ უკრაინის მთავრობას შემდგომი ქმედებების თავიდან ასაცილებლად.

კომიტეტი ასევე მხარს უჭერს ტრიბუნალებს და საერთაშორისო სისხლის სამართლის გამოძიებას რუსი ლიდერების, პოლიტიკოსებისა და სამხედროების წინააღმდეგ და მოუწოდებს აშშ-ს პრეზიდენტს ჯო ბაიდენს, გამოიყენოს გლობალური სანქციები გენოციდში მონაწილე პირების წინააღმდეგ.
„პუტინის უკანონო და არაპროვოცირებული ომის დროს უკრაინელი ხალხის წინააღმდეგ ჩადენილი დანაშაულები ეწინააღმდეგება უამრავ საერთაშორისო კონვენციას და შეიძლება შეფასდეს მხოლოდ როგორც გენოციდი. უკრაინელმა ხალხმა აჩვენა თავისი მონდომება და უნარი, მოგერიოს მიმდინარე თავდასხმები, მაგრამ უდანაშაულოები განაგრძობენ სიკვდილს, სანამ რუსეთი არ გაიგებს მისი ამაზრზენი ქმედებების შედეგებს“, - თქვა კანონის ერთ-ერთმა ავტორმა, მერილენდის სენატორმა, დემოკრატი ბენ კარდინმა.
მანამდე აშშ-ის სახელმწიფო დეპარტამენტმა კერძო შენაერთ "ვაგნერს" „განსაკუთრებული შეშფოთების ორგანიზაციის“ სტატუსი მიანიჭა. სახელმწიფო მდივნის, ენტონი ბლინკენის თქმით, ეს არის პასუხი ცენტრალური აფრიკის რესპუბლიკაში სამხედრო მოქმედებებზე. რუსეთი უშუალოდ მოხვდა იმ ქვეყნების სიაში, რომლებსაც განსაკუთრებული შეშფოთება აქვთ რელიგიური თავისუფლების განსაკუთრებით მძიმე დარღვევებში მონაწილეობის ან დაშვების გამო.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს