რუსეთის პრეზიდენტმა, ვლადიმერ პუტინმა ხელი მოაწერა ფედერალურ კანონს, რომელიც მნიშვნელოვნად აფართოებს იმ ადგილების სიას, სადაც აკრძალულია შეხვედრები, მიტინგები, მსვლელობები და დემონსტრაციები. აღნიშნულის შესახებ ინფორმაციას რუსული მედია „РИА Новости“ ავრცელებს.

მედიის ცნობით, ამიერიდან შეუძლებელი იქნება აქციების გამართვა საჯარო ხელისუფლების შენობებში და მათ მიმდებარე ტერიტორიებზე, აეროპორტებში, რკინიგზისა და ავტობუსის სადგურებზე, პორტებში, უნივერსიტეტების, სკოლებისა და საავადმყოფოების ტერიტორიაზე, მიწის ნაკვეთებზე, სადაც ეკლესიები და სხვა სტრუქტურები მდებარეობს. 

გარდა ამისა, აკრძალვა გავრცელდება სიცოცხლის დამხმარე ობიექტების მიმდებარე ტერიტორიებზე, მათ შორის იმ ტერიტორიებზე, რომლებიც უზრუნველყოფენ ელექტრო, თერმული, წყლის და გაზის ქსელების მუშაობას. 

აღსანიშნავია, რომ მანამდე აქციების გამართვა პრეზიდენტის რეზიდენციებთან, სასამართლოებთან, ციხეებთან და საგანგებო ოპერაციულ სამსახურებთან ახლოს იყო აკრძალული.

ახალი კანონი ასევე ითვალისწინებს, რომ თითოეულ რეგიონს შეუძლია დამატებით დააწესოს საკუთარი აკრძალვები შეხვედრების, მიტინგებისა და დემონსტრაციების ადგილებზე, თუ ასეთი ღონისძიება "განპირობებულია რუსეთის ფედერაციის სუბიექტის ისტორიული, კულტურული და სხვა ობიექტური მახასიათებლებით".

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს