2022-12-05 15:59:00, 1222 ნახვა
მსოფლიო
პოდოლიაკი - კრემლში ასტრონომიას არ ასწავლიდნენ - რასაც სხვა ქვეყნის საჰაერო სივრცეში უშვებ, ადრე თუ გვიან, საწყის პუნქტს უბრუნდება
თუ რამეს უშვებ სხვა ქვეყნის საჰაერო სივრცეში, ადრე თუ გვიან, უცნობი მფრინავი ობიექტი აუცილებლად დაუბრუნდება საწყის პუნქტს, - ამის შესახებ უკრაინის პრეზიდენტის ოფისის უფროსის მრჩეველმა, მიხაილო პოდოლიაკმა განაცხადა.
როგორც პოდოლიაკმა Twitter-ზე დაწერა, როგორც ჩანს, კრემლში ასტრონომიას არ ასწავლიდნენ.
"დედამიწა მრგვალია - აღმოჩენა გალილეომ გააკეთა. კრემლში ასტრონომიას არ ასწავლიდნენ, ისინი უპირატესობას სასამართლო ასტროლოგებს ანიჭებდნენ. ეს რომ ასე არ ყოფილიყო, მათ ეცოდინებოდათ, რომ თუ რამეს უშვებ სხვა ქვეყნის საჰაერო სივრცეში, ადრე თუ გვიან, უცნობი მფრინავი ობიექტი აუცილებლად დაუბრუნდება საწყის პუნქტს", - წერს მიხაილო პოდოლიაკი.
ავტორი: ექსპრესნიუსი,
epn.ge (@expressnews.ge)
