ჩვენ ვართ ჩართულები მიხეილ სააკაშვილის ჯანმრთელობის მონიტორინგში და თუ რამის გაკეთება შეგვიძლია მისი უფლებების დასაცავად და მისი სიცოცხლის გადასარჩენად, მაქსიმუმს გააკეთებს სახალხო დამცველის აპარატი ამ მიმართულებით, - ამის შესახებ სახალხო დამცველმა "ვივამედში" მესამე პრეზიდენტის მონახულების შემდეგ განაცხადა.

როგორც ნინო ლომჯარიამ ჟურნალისტებს უთხრა, დღეს "ვივამედში" ომბუდსმენის აპარატის კონსილიუმის წევრები იმყოფებოდნენ.

"მე რამდენიმეწუთიანი კომუნიკაცია მქონდა. უბრალოდ ვუთხარი, რომ მოსულები არიან ჩემი კონსილიუმის ექიმები და გასინჯავენ მას. მივიღეთ მისგან წერილობითი თანხმობა მისი ჯანმრთელობის მდგომარეობის შესახებ გასაჯაროვების თაობაზე. დანარჩენი დრო მასთან ექიმებმა გაატარეს და ვფიქრობ, რომ სათანადოდ შეისწავლეს მისი მდგომარეობა, რისი შესწავლაც შეიძლებოდა დღეს. 

მოგეხსენებათ, სასამართლოში არის წარდგენილი შუამდგომლობა სააკაშვილისთვის სასჯელის მოხსნის თუ გადავადების თაობაზე და სახალხო დამცველი განიხილავს ამ პროცესში ინტერვენციას. იმისთვის, რომ ჩვენ ჩვენი პოზიციის წარდგენა შევძლოთ, საჭიროდ ჩავთვალე ექიმების მოყვანა. შემდეგ კვირაში ჩანიშნა პროცესი და დასკვნის მომზადება მანამდე მოგვიწევს", - აცხადებს ნინო ლომჯარია.

ცნობისთვის, მიხეილ სააკაშვილის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

ავტორი: ექსპრესნიუსი,

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა