2022-12-04 12:29:40, 894 ნახვა
მსოფლიო
ინდონეზიაში ვულკანი ამოიფრქვა - სტიქიის ზონიდან მოსახლეობის ევაკუაცია მიმდინარეობს
ინდონეზიის მჭიდროდ დასახლებულ კუნძულ იავაზე ყველაზე მაღალი ვულკანი - სემერუ ამოიფრქვა. აღნიშნულ ინფორმაციას The Guardian ავრცელებს.
გამოცემის ცნობით, ვულკანის ამოფრქვევის შედეგად, ჰაერში 1,5 კმ-ზე ფერფლის სვეტი გაჩნდა, რამდენიმე მიმდებარე სოფელი კი, ფერფლითაა დაფარული.
აღმოსავლეთ ჯავის პროვინციაში კატასტროფების მართვის სააგენტოს ხელმძღვანელის, ჯოკო სამბანგის განცხადებით, სტიქიის ზონიდან მოსახლეობის ევაკუაცია დაიწყო - რამდენიმე ასეული ადამიანი თავშესაფრებში ან სხვა უსაფრთხო ადგილებში უკვე გადაიყვანეს.
მსხვერპლის შესახებ ამ დრომდე ინფორმაცია არ გავრცელებულა.
ავტორი: ექსპრესნიუსი,
epn.ge (@expressnews.ge)
