უკრაინის უსაფრთხოების სამსახური ( СБУ) მოსკოვის საპატრიარქოს დაქვემდებარებულ უკრაინულ ეკლესიებში კონტრდაზვერვით სამუშაოებს აგრძელებს.

ჩხრეკა ამჯერად ჟიტომირის, რივნესა და ზაკარპატიის რაიონებში მდებარე ეპარქიებში მიმდინარეობს.

СБУ-ს პრესცენტრის ცნობით, ზომები "რელიგიური თემების" რუსეთისთვის სასარგებლოდ გამოყენების თავიდან ასაცილებლად, რუსეთთან კავშირების გამოსავლენად და მოსალოდნელი პროვოკაციებისა და ტერორისტული აქტების თავიდან არიდების მიზნით ტარდება.

მათი ინფორმაციით, ეკლესიის წარმომადგენლების უშუალო მონაწილეობით СБУ, ეროვნული პოლიცია და ეროვნული გვარდია ტერიტორიას და შენობას ამოწმებს, რაც მიზნად სახელმწიფო სუვერენიტეტის საზიანოდ უკანონო ქმედებებში ჩართული პირების იდენტიფიცირებას ისახავს.

საუბარია შემდეგ ლოკაციებზე:

• ამიერკარპათიის ხუსტის ეპარქიის წმინდა ნიკოლოზის მონასტერი;
• წმინდა ანასტასიუსის სახელობის სტავროპეგიული დედათა მონასტერი (ჟიტომირი);
• წმინდა ანასტასიუსის სტავროპეგიული მონასტრის სკეტი (ჟიტომირის რაიონი);
• ქალთა სტავროპეგიული მონასტრის ღვთისმშობლის იბერიული ხატის სკეტი (ჟიტომირის რაიონი);
• რივნე-ოსტროს ეპარქია, გოროდოკის დედათა მონასტერი, წმინდა გიორგის კომპლექსი, ყველა ვოლინის წმინდანთა ეკლესია, წმიდა აღდგომის ეკლესია, წმიდა მიძინების ეკლესია (რივნეს რეგიონი).

შეგახსენებთ, უკრაინის უსაფრთხოების სამსახურმა რამდენიმე დღის წინ გაჩხრიკა მოსკოვის საპატრიარქოს დაქვემდებარებაში მყოფი მუკაჩოვოს ეპარქია, სადაც უკრაინული მედიის ცნობით,  ღალატში ეჭვმიტანილ ვიქტორ მედვედჩუკთან დაახლოებული სასულიერო პირები მსახურობენ.

ნოემბერში СБУ-ს მიერ ასევე შემოწმდა კიევის წმინდა მიძინების კიევ-პეჩორის ლავრა, კორეცკის წმინდა სამების მონასტერი და რივნეს რეგიონში, სარნენსკო-პოლისკის ეპარქიის შენობა. უსაფრთხოების სამსახურმა მონასტრებში პრორუსული ლიტერატურა და ათასობით რუსული რუბლი აღმოაჩინა.

ამასთან, როგორც უკრაინის პრეზიდენტი ვოლოდიმირ ზელენსკი აცხადებს, რუსეთის ფედერაციის გავლენის ცენტრებთან აფილირებული რელიგიური ორგანიზაციების საქმიანობა უკრაინაში აიკრძალება.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს