უკრაინის პრეზიდენტი ვოლოდიმირ ზელენსკი აცხადებს, რომ რუსეთის ფედერაციის გავლენის ცენტრებთან აფილირებული რელიგიური ორგანიზაციების საქმიანობა უკრაინაში აიკრძალება.

როგორც ტრადიციულ ვიდეომიმართვაში ზელენსკიმ თქვა, ეროვნული უსაფრთხოებისა და თავდაცვის საბჭომ სხდომაზე მთავრობას დაავალა, რომ აღნიშნულთან დაკავშირებული კანონპროექტი რადას წარუდგინოს.

"ჩვენ უზრუნველვყოფთ ჩვენი სახელმწიფოს სრულ დამოუკიდებლობას, კერძოდ კი, სულიერ დამოუკიდებლობას. ჩვენ არასდროს მივცემთ ვინმეს უფლებას, რომ უკრაინულ სულში იმპერია ააშენოს", - ამბობს სახელმწიფოს მეთაური.

ზელენსკის თქმით, ეროვნული უსაფრთხოებისა და თავდაცვის საბჭოს სხდომაზე ეთნოპოლიტიკისა და სინდისის თავისუფლების სახელმწიფო სამსახურს დაევალა ექსპერტიზის ჩატარება, რომელიც უკრაინის მართლმადიდებელი ეკლესიისა და მოსკოვის საპატრიარქოს კანონიკურ კავშირს დაადგენს.

გარდა ამისა, შემოწმდება ის სამართლებრივი საფუძვლები, რომლითაც რელიგიურ ორგანიზაციებს აქვთ უფლება, კიევი-პეჩორის ისტორიულ-კულტურული ნაკრძალის ტერიტორიაზე მდებარე ქონება განკარგონ.

უკრაინის პრეზიდენტმა სხდომაზე  ეროვნული უსაფრთხოების უზრუნველყოფაზე პასუხისმგებელ ყველა ორგანოს დაავალა, გაატარონ ზომები, რომლებიც მიმართული იქნება რელიგიურ წრეებში რუსეთის სპეცსამსახურების ძირგამომთხრელი საქმიანობის გამოსავლენად და მათ პერსონალური სანქციები დაუწესონ.

"ჩვენ უნდა ავიმაღლოთ სტატუსი და გავაძლიეროთ ეთნოპოლიტიკისა და სინდისის თავისუფლების სახელმწიფო სამსახურის შესაძლებლობები. მოხდება ამ სტრუქტურის რეფორმირება, რაც შესაძლებლობას მოგვცემს, ნამდვილად დავიცვათ უკრაინელებისა და სახელმწიფოს უფლებები და ლეგიტიმური ინტერესები. ამ და სხვა გადაწყვეტილებებით ჩვენ უკრაინის სულიერი დამოუკიდებლობის გარანტი ვართ", - განაცხადა ვოლოდიმირ ზელენსკიმ.

შეგახსენებთ, უკრაინის უსაფრთხოების სამსახურმა (СБУ) რამდენიმე დღის წინ გაჩხრიკა მოსკოვის საპატრიარქოს დაქვემდებარებაში მყოფი მუკაჩოვოს ეპარქია, სადაც უკრაინული მედიის ცნობით,  ღალატში ეჭვმიტანილ ვიქტორ მედვედჩუკთან დაახლოებული სასულიერო პირები მსახურობენ.

ნოემბერში СБУ-ს მიერ ასევე შემოწმდა კიევის წმინდა მიძინების კიევ-პეჩორის ლავრა, კორეცკის წმინდა სამების მონასტერი და რივნეს რეგიონში, სარნენსკო-პოლისკის ეპარქიის შენობა. უსაფრთხოების სამსახურმა მონასტრებში პრორუსული ლიტერატურა და ათასობით რუსული რუბლი აღმოაჩინა.

ავტორი: ექსპრესნიუსი,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში