რუსეთი არ არის მოლაპარაკებების ღირსი, მათ უნდა შეწყვიტოს არსებობა მის ამჟამინდელ საზღვრებში,- ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსეი დანილოვმა განაცხადა.

მისი თქმით, უკრაინამ დაამტკიცა, რომ რუსეთის არ უნდა ეშინოდეს.

„ისინი უბრალოდ უნდა განადგურდნენ, რათა შეწყვიტონ არსებობა, როგორც ქვეყანამ იმ საზღვრებში, სადაც ისინი არსებობენ. დღეს რუსეთი არის ერთ-ერთი იმ მცირერიცხოვან ქვეყნებს შორის, რომლებსაც აქვთ კოლონიები მის ტერიტორიაზე, რომლებმაც გაანადგურეს უამრავი ხალხი, მათი ენა, კულტურა, ტრადიციები. ისინი უბრალოდ ბარბაროსები არიან და როცა ამბობენ, რომ ამ ბარბაროსებთან ერთ მაგიდასთან უნდა დავსხდეთ და რაღაცაზე ვისაუბროთ, ვფიქრობ, რომ ისინი არ არიან ამის ღირსი“,- განაცხადა დანილოვმა.

მისივე თქმით, უკრაინას არაფერი აქვს საერთო რუსეთთან, რომელიც მუდმივად იპარავს ვიღაცის ისტორიას.

„თქვენ ხართ მოსკოვი, რომელიც საკუთარ ტერიტორიაზე იყო, თქვენ ხართ ქურდები, რომლებიც გამუდმებით იპარავდნენ ვიღაცის ისტორიას, მუდმივად ითხოვთ რაღაცას, მაგრამ თქვენ ამის ღირსი არ ხართ, რომ მსოფლიოში ვინმე დაგიკავშირდეთ. ზოგადად მჯერა, რომ პუტინი და ჰიტლერი სიამის ტყუპები არიან, მხოლოდ ერთი დაიბადა ცოტა მოგვიანებით“,- დასძინა დანილოვმა.

შეგახსენებთ, რომ მანამდე პრეზიდენტის ადმინისტრაციამ ხაზგასმით აღნიშნა, რომ რუსეთის ფედერაციამ რეალური მოლაპარაკების პროცესისთვის თავისი ჯარები უკრაინის ტერიტორიიდან უნდა გაიყვანოს.

პრეზიდენტის ადმინისტრაციის თავმჯდომარის მრჩეველმა, მიხაილო პოდოლიაკმა მტკიცედ განაცხადა, რომ კიევი კრემლთან მოლაპარაკებას მხოლოდ საკუთარი პირობებით აწარმოებს. ერთ-ერთ ასეთ პირობას პოდოლიაკმა უწოდა რუსული ჯარების სრული გაყვანა უკრაინის ტერიტორიიდან.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს