ამერიკის შეერთებული შტატების თავდაცვის დეპარტამენტმა ხელი მოაწერა კონტრაქტს, რომლის მიხედვითაც უკრაინასთვის 1,2 მილიარდი დოლარის ოდენობის NASAMS საზენიტო-სარაკეტო სისტემების წარმოება მოხდება.

აშშ-ს თავდაცვის დეპარტამენტის ვებგვერდზე გამოქვეყნებული ინფორმაციის თანახმად, პენტაგონმა ხელი მოაწერა შეთანხმებას Raytheon Technologies Co-სთან (RTX.N), რომლის ფარგლებში ექვსი საჰაერო თავდაცვის სისტემა დამზადდება. 

„სამუშაო შესრულდება ტეუკსბერიში, მასაჩუსეტსი, სავარაუდო დასრულების თარიღით 2025 წლის 28 ნოემბერი“, - ნათქვამია პენტაგონის განცხადებაში. 

შეგახსენებთ, რომ 7 ნოემბერს, ცნობილი გახდა, რომ NASAMS და Aspide საჰაერო თავდაცვის სისტემები უკრაინაში ჩავიდა. უკრაინის თავდაცვის მინისტრმა ოლექსი რეზნიკოვმა ხაზგასმით აღნიშნა, რომ ეს იარაღი მნიშვნელოვნად გააძლიერებს უკრაინის არმიას.

გარდა ამისა, სამხედრო ექსპერტმა ოლეგ ჟდანოვმა აღნიშნა , რომ კიევის ან ხარკოვის ცის დახურვისთვის საჭიროა ორი NASAMS ან IRIS-T საზენიტო სარაკეტო სისტემა. ამავდროულად, საჰაერო საფრთხისგან უფრო მცირე ფართობის მქონე ქალაქების დასაცავად, ერთი ასეთი საჰაერო თავდაცვის სისტემა შეიძლება საკმარისი იყოს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს