ხერსონის ოლქის სოფელ პრავდინოში ახალი მასობრივი საფლავი აღმოაჩინეს. აღნიშნულ ინფორმაციას The New York Times-ი ავრცელებს.

გამოცემის ცნობით, საფლავში რუსების მიერ მოკლული 6 მამაკაცისა და მოზარდი გოგონას ცხედრები იპოვეს. როგორც მედია წერს, მას შემდეგ, რაც ერთ-ერთმა ადგილობრივმა ისინი რუსეთის წინააღმდეგ ჯაშუშობაში დაადანაშაულა, ოკუპანტებმა ისინი დახოცეს. 

"ცხედრები ხელებშეკრული და თვალდახუჭული იპოვეს. ყველას ახლო მანძილიდან ჰქონდა თავში ნასროლი. თავიდან ძვლის პატარა ნაწილები გამოჩნდა. შემდეგ მაჯაზე თოკით მიბმული ხელი. შემდეგ კი თავის ქალა ტყვიის ნახვრეტით“- წერს გამოცემა.

გამოცემისასთან საუბრისას ადგილობრივმა განაცხადა, რომ ერთ-ერთმა მცველმა, სახელად ვლადმა, ურთიერთობა ადგილობრივ თინეიჯერ გოგონასთან დაიწყო, რომელსაც მამინაცვალი სასტიკად მოექცა. როდესაც რუსულმა ჯარებმა პრავდინო დაიკავეს, მამინაცვალს შეეშინდა, რომ მას „პრობლემები“ შეექმნებოდა და დაიწყო რუსებთან თანამშრომლობა.

სოფლის მცხოვრებლების თქმით, მან მოიგონა ამბავი, რომ ვლადი და სხვა მესაზღვრეები რუსებს ჯაშუშობდნენ.

„აპრილში მახლობლად მცხოვრებმა კაცმა იმ სახლში აფეთქების ხმა გაიგო. როცა გაიქცა, დაინახა, რომ შენობა დანგრეული იყო, ნანგრევების ქვეშ კი გვამები იყო“,- წერს გამოცემა.

ადგილობრივებმა რაშისტების მიერ მოკლული ადამიანების დაკრძალვა მაშინვე ვერ შეძლეს. ოკუპანტებმა გარდაცვლილების დაკრძალვის ნება მხოლოდ ხუთი კვირის შემდეგ დართეს.

შეგახსენებთ, რომ 17 ნოემბრის მდგომარეობით, ხერსონის რაიონში სამართალდამცავებმა 63 ნაწამები ადამიანის ცხედარი აღმოაჩინეს.

ასევე, როგორც ცნობილია, 29 ნოემბერს, G7-ის იუსტიციის მინისტრებმა მიიღეს დეკლარაცია უკრაინაში რუსეთის სამხედრო დანაშაულების გამოძიების შესახებ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს