2022-11-30 16:14:06, 1750 ნახვა
ომი უკრაინაში
რუსმა ოკუპანტებმა სუმის ოლქში 158 საარტილერიო შეტევა განახორციელეს - დაიღუპა მოზარდი
რუსმა ოკუპანტებმა სუმის ოლქის ბელოპოლიეში საავადმყოფო დაბომბეს, დაიღუპა მოზარდი - ამის შესახებ უკრაინის პრეზიდენტის აპარატის უფროსის მოადგილე, კირილ ტიმოშენკომ განაცხადა.
ტიმოშენკოს თქმით, მხოლოდ ბოლო 24 საათის განმავლობაში დამპყრობლებმა სუმის რეგიონზე 158 საარტილერიო შეტევა განახორციელეს.
„დილით რუსეთმა დაბომბა ბელოპოლიეს საავადმყოფო. მოზარდი გარდაიცვალა. დაზიანდა მიმდებარე სახლები და მანქანები“,- განაცხადა ტიმოშენკომ.
მისივე თქმით, რეგიონის სასაზღვრო ტერიტორიები და დასახლებები კვლავ მტრის იარაღის ქვეშ რჩება.
გავრცელებული ინფორმაცით, რუსეთის ჯარებმა ასევე დაბომბეს ხარკოვის ოლქის ტერიტორია.
ავტორი: ექსპრესნიუსი,
epn.ge (@expressnews.ge)
