რუსეთის საოკუპაციო ჯარები დიდ ზარალს განიცდიან, ოკუპირებული ქალაქების სამედიცინო დაწესებულებებში უამრავი დაჭრილი ჯარისკაცია, - ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს. 

„გასული კვირის განმავლობაში, დროებით ოკუპირებულ ქალაქ დონეცკში მდებარე სამედიცინო დაწესებულებებში გადაიყვანეს რუსეთის საოკუპაციო ძალების დანაყოფების 720-ზე მეტი დაჭრილი სამხედრო მოსამსახურე“, - ნათქვამია გენერალური შტაბის ანგარიშში.

მათივე ცნობით, დონეცკის ოლქის გორლოვკაში მდებარე ერთ-ერთი სამოქალაქო საავადმყოფო ოკუპანტმა ხელისუფლებამ სამხედრო ჰოსპიტალად გადააკეთა, სადაც მშვიდობიანი მოქალაქეებისთვის წვდომა სრულიად შეზღუდული იყო. პაციენტების ნახვის უფლება მხოლოდ სამედიცინო პერსონალს აქვს.

შეგახსენებთ, რომ უკრაინის პრეზიდენტის, ვოლოდიმირ ზელენსკის განცხადებით, გაზაფხულზე რუსეთის ფედერაციის ზარალმა უკრაინის წინააღმდეგ ომში შესაძლოა 100 ათას მოკლულ და დაჭრილ ჯარისკაცს გადააჭარბოს. მისივე თქმით, ძირითადად საუბარია მობილიზებულებზე.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს