თუკი, ჯანმრთელობის მდგომარეობის გამო, საუბარია პაციენტის, რომელიც იმავედროულად არის მსჯავრდებული, საზღვარგარეთ გაყვანაზე, ეს საქართველოს კანონმდებლობით არის შეუძლებელი, - ამის შესახებ იუსტიციის მინისტრმა, რატი ბრეგაძემ საქართველოს მესამე პრეზიდენტის, მიხეილ სააკაშვილის საზღვარგარეთ სამკურნალოდ გადაყვანის მოთხოვნასთან დაკავშირებით განაცხადა.

როგორც მინისტრმა ცოტა ხნის წინ გამართულ საგანგებო ბრიფინგზე თქვა, მსგავსი ტიპის მოთხოვნის სამართლებრივი ბერკეტი იუსტიციის სამინისტროს არ გააჩნია.

"ხშირად ჟღერდება მკურნალობის მიზნით, სააკაშვილის საზღვარგარეთ გადაყვანის მოთხოვნა, უნდა შევახსენოთ ყველას, რომ სააკაშვილი სასჯელს იხდის საქართველოს ტერიტორიაზე არსებულ პენიტენციურ დაწესებულებაში და მსგავსი ტიპის მოთხოვნის სამართლებრივი ბერკეტი იუსტიციის სამინისტროს არ გააჩნია. კანონის წინაშე თანასწორობა ვრცელდება ამ ქვეყანაში მცხოვრებ ყველა პირზე და გამონაკლისი ვერავის მიმართ იქნება დაშვებული... ოფიციალური დასკვნა ცენტრი "ემპათიის" მიერ ამ ეტაპზე არ არსებობს. რა დიაგნოზებიც არის დასმული, იგი გადის შესაბამის მკურნალობას კლინიკა "ვივამედში" და იმყოფება ექიმების მუდმივი მეთვალყურეობის ქვეშ. რაც შეეხება რომელიმე დიაგნოზის გამო საზღვარგარეთ გაყვანას, თუკი, ჯანმრთელობის მდგომარეობის გამო, საუბარია პაციენტის, რომელიც იმავდროულად არის მსჯავრდებული, საზღვარგარეთ გაყვანაზე, ეს საქართველოს კანონმდებლობით არის შეუძლებელი", - განაცხადა რატი ბრეგაძემ.

იუსტიციის მინისტრმა საქართველოს მესამე პრეზიდენტს შესთავაზა, რომ ნებისმიერი უცხოური კლინიკიდან ჩამოიყვანოს ექიმი და მკურნალობაში ჩართოს.

შეგახსენებთ, რომ გუშინ, 28 ნოემბერს მიხეილ სააკაშვილის ადვოკატმა, შოთა თუთბერიძემ განაცხადა, რომ ექსპრეზიდენტი ე.წ. საზღვრის კვეთის საქმეზე სასამართლო პროცესს დაესწრებოდა, რადგან არ სურდა, რომ სხდომა ისევ მისი ჯანმრთელობის მდგომარეობის გამო გადადებულიყო. 

სხდომა 15:00 საათზე იყო ჩანიშნული, თუმცა კლინიკა "ვივამედმა" მესამე პრეზიდენტს სასამართლო პროცესზე დასწრების უფლება არ მისცა. ნინო ნადირაძის თქმით, მიხეილ სააკაშვილის ტრანსპორტირება ამ ეტაპზე გამართლებული არ იყო.

25 ნოემბერს, წამების მსხვერპლთა ფსიქოლოგიური რეაბილიტაციის ცენტრ "ემპათიას" დირექტორმა, მარიამ ჯიშკარიანმა გაავრცელა ინფორმაცია, რომ მესამე პრეზიდენტის თმის ღერში სამი მძიმე მეტალი აღმოაჩინეს. 

უფრო ადრე, 19 ნოემბერს, მიხეილ სააკაშვილის ადვოკატმა, ვალერი გელბახიანმა განაცხადა, რომ ექსპრეზიდენტი მოწამლულია, ვინაიდან "სხვაგვარად ასე არ განვითარდებოდა არც ერთი დაავადება".

ამასთან, საქართველოს პრეზიდენტმა 24 ნოემბერს განაცხადა, რომ "თუ სააკაშვილის ჯანმრთელობა არის დაზიანებული და ასეთი დასკვნა იქნება, სასამართლომ უნდა მიიღოს ღირსეული გადაწყვეტილება".

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა