პუტინი ცდილობს, გამოიყენოს ზამთარი, როგორც იარაღი უკრაინასთან ომში. - ამის შესახებ ნატოს გენერალურმა მდივანმა, იენს სტოლტენბერგმა განაცხადა.

მისივე თქმით, რუსეთი, სავარაუდოდ, გააგრძელებს დარტყმას უკრაინის ენერგეტიკულ ინფრასტრუქტურაზე მშვიდობიანი მოსახლეობისთვის ზიანის მიყენების მიზნით.

" ზამთრის მოლოდინში ამით, პუტინი ცდილობს გამოიყენოს ზამთარი, როგორც იარაღი უკრაინასთან ომში,ჩვენ არ შეგვიძლია, პუტინს მოგების უფლება მივცეთ. წინააღმდეგ შემთხვევაში, ეს დაანახვებს ავტორიტარულ მმართველებს მთელს მსოფლიოში, რომ მათ შეუძლიათ მიაღწიონ თავიანთ მიზნებს სამხედრო ძალის მეშვეობით და გახადონ ეს სამყარო უფრო საშიში ყველა ჩვენგანისთვის. ამიტომ, უკრაინის მხარდაჭერა ჩვენივე უსაფრთხოების ინტერესებშია". - ნათქვამია განცხადებაში.

10 ოქტომბრიდან რუსეთის თავდაცვის სამინისტრო რეგულარულად ახორციელებს სარაკეტო თავდასხმებს უკრაინაში სამხედრო და ენერგეტიკულ ობიექტებზე და ამას უწოდებს პასუხს 8 ოქტომბერს ქერჩის სრუტეში ყირიმის ხიდზე მომხდარ აფეთქებაზე.

როგორც უკრაინის ხელისუფლებამ განაცხადა, 15 ნოემბერს რუსეთმა ომის დაწყების შემდეგ ყველაზე მასიური დარტყმა მიაყენა ქვეყნის ენერგეტიკულ სექტორს. უკრაინაში დაბომბვის ფონზე მოძრავი ჩაქრობა მიმდინარეობს. რუსეთის ფედერაციის პრეზიდენტის პრესმდივანმა დიმიტრი პესკოვმა უკრაინის ბევრ რეგიონში ელექტროენერგიის და სითბოს ნაკლებობა უწოდა კიევის ხელისუფლების ქმედებების შედეგი, მათ შორის მოლაპარაკებებზე უარს.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს