თუ ისე კარგად არის, რომ შეუძლია სიარული, გასვლა, გარეთა პროცესებში მონაწილეობის მიღება, კლინიკაში ხომ არ იქნებოდა?! - ამის შესახებ სამედიცინო ცენტრ "ვივამედის" გენერალურმა დირექტორმა, ნინო ნადირაძემ საქართველოს მესამე პრეზიდენტთან დაკავშირებით განაცხადა.

ნადირაძის თქმით, მიხეილ სააკაშვილის ტრანსპორტირება ამ ეტაპზე გამართლებული არ იყო.

"პარასკევს ჩატარდა ნევროლოგის კონსულტაცია, რომელმაც აღნიშნა უარყოფითი დინამიკა. დაინიშნა შესაბამისი კვლევები. დღეს და ხვალ ამ კვლევებს ჩავატარებთ და განისაზღვრება შემდგომი მკურნალობის ტაქტიკა. არც ერთ ეტაპზე მისი აქ ყოფნისას სასამართლოში წაყვანისა და ტრანსპორტირების ნებართვა არ გაგვიცია. 

პაციენტის პოზიცია ჩემი გადასაწყვეტი არ არის, ეს მისი სუბიექტური აზრია და შესაბამისად, ის თავის სიტყვებზეა პასუხისმგებელი. სამედიცინო კუთხით ჩვენ ვაგებთ პასუხს. ის მომენტი, რომ პაცინეტი მკურნალობს და კლინიკაში იმყოფება, გასვლით პროცესებს გამორიცხავს. თუ ისე კარგად არის, რომ შეუძლია სიარული, გასვლა, გარეთა პროცესებში მონაწილეობის მიღება, კლინიკაში ხომ არ იქნებოდა?! ჩვენ, ექიმები ვთვლით, რომ ამ ეტაპზე ტრანსპორტირება არ იყო გამართლებული", - განაცხადა ნადირაძემ "ტვ პირველთან" საუბრისას.

შეგახსენებთ, დღეს, მიხეილ სააკაშვილის ადვოკატმა, შოთა თუთბერიძემ განაცხადა, რომ ექსპრეზიდენტი ე.წ. საზღვრის კვეთის საქმეზე სასამართლო პროცესს დაესწრებოდა, რადგან არ სურდა, რომ სხდომა ისევ მისი ჯანმრთელობის მდგომარეობის გამო გადადებულიყო. 

სხდომა 15:00 საათზე იყო ჩანიშნული, თუმცა კლინიკა "ვივამედმა" მესამე პრეზიდენტს სასამართლო პროცესზე დასწრების უფლება არ მისცა.

თბილისის საქალაქო სასამართლოში ე.წ. საზღვრის კვეთის საქმეზე მიხეილ სააკაშვილის სასამართლო სხდომა თარიღის განსაზღვრის გარეშე გადაიდო. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა