ფრაქცია „ხალხის მსახურის“ ხელმძღვანელმა დავით არაჰამიამ განაცხადა, რომ მომავალი კვირა უკრაინელებისთვის შეიძლება ძალიან რთული იყოს, რადგან რუსეთი ენერგეტიკულ ობიექტებზე ახალ დარტყმებს გეგმავს.

როგორც არახამიამ აღნიშნა, საგანგებო სიტუაციების სამსახური და ხელისუფლება სხვადასხვა სცენარს ამუშავებს და შესაძლო სცენარისთვის ემზადება. 

"მომდევნო კვირა შეიძლება ძალიან რთული იყოს. რუსები ენერგეტიკულ ობიექტებზე ახალ ტერორისტულ თავდასხმებს გეგმავენ. საგანგებო სიტუაციების სამსახური და ხელისუფლება სხვადასხვა სცენარს ამუშავებს. ბევრი ტრენინგი ჩატარდა, შემუშავებულია ენერგეტიკის მუშაკების კრიტიკული ინფრასტრუქტურის სამოქმედო გეგმები, ყველამ იცის რა უნდა გააკეთოს.

ჩვენ ვემზადებით. სამხედროები ემზადებიან და ყველას მოვუწოდებთ, რომ იზრუნონ საკუთარ თავსა და ოჯახზე. შეაგროვეთ წყალი, საკვები გრძელვადიანი შენახვისთვის, დამუხტეთ ტელეფონები და პაუერ ბანკები“, - მოუწოდა მან უკრაინის მოსახლეობას.

ცნობისთვის, ოქტომბრის დასაწყისიდან რუსეთი უკრაინის ენერგეტიკულ ობიექტებს უტევს.

23 ნოემბერს რუსეთმა კვლავ დაიწყო მასიური სარაკეტო შეტევა  უკრაინის ენერგეტიკულ სისტემაზე. კიევში  საცხოვრებელი კორპუსების 70% ელექტროენერგიის გარეშე დარჩა. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს