18:08 - 29 Mar, 2024
რეკლამა/ხელმოწერა
2022-11-26 11:13:31, 618 ნახვა

საზოგადოება
ქვემო ქართლში 800 ჰექტარ სასოფლო-სამეურნეო მიწის ფართობი რეგულარულად მოირწყვება

საქართველოს მელიორაცია წყალუზრუნველყოფილი ფართობების გაზრდის მიზნით, ტბისი-კუმისის სარწყავი სისტემის რეაბილიტაციას ატარებს.

გარემოს დაცვისა და სოფლის მეურნეობის სამინისტროს მიერ გავრცელებული ინფორმაციით, თეთრიწყაროს მუნიციპალიტეტში, ალგეთის წყალგამტარის 1,4 კმ სიგრძის ავარიული მონაკვეთი სრულად განახლდება; შედეგად, თეთრიწყაროს მუნიციპალიტეტის 6 სოფლის (ხაიში, ქოსალარი, დიდი დურნუკი, პატარა დურნუკი, შავსაყდრისა და წინწყაროს ნაწილი) 800 ჰექტარი სასოფლო-სამეურნეო მიწის ფართობი რეგულარულად მოირწყვება.

მათივე ცნობით, პროექტის ღირებულება 3 მლნ ლარზე მეტია.

მიმდინარე სამუშაოები „საქართველოს მელიორაციის” გენერალურმა დირექტორმა, თენგიზ ნასარიძემ ადგილობრივი ხელისუფლების ხელმძღვანელ პირებთან ერთად დაათვალიერა და ადგილობრივ ფერმერებს შეხვდა.

„სამელიორაციო სისტემების რეაბილიტაციას ქვეყნის მასშტაბით ინტენსიურად ვახორციელებთ. ქვემო ქართლის რეგიონში სამუშაოები მიმდინარეობს ტბისი-კუმისის სარწყავი სისტემის ერთ-ერთ ძირითად წყალგამტარზე, სადაც ავარიული მდგომარეობა იყო. მნიშვნელოვანია, რომ, სისტემის რეაბილიტაციით, 800 ჰექტარზე გაუმჯობესდება წყალუზრუნველყოფა“, - განაცხადა თენგიზ ნასარიძემ.




ავტორი: NS (სტატია დაფინანსებულია),


სოციალური ქსელები
ე.წ. კანონიერმა ქურდმა, შაქრო კალაშოვმა საპატიმრო დატოვა
სუს-მა ქრთამის აღების ფაქტზე გადაუდებელი დახმარების ცენტრის 3 ყოფილი თანამშრომელი დააკავა
სააკაშვილი - უცხოეთში მცხოვრები თანამემამულეებისთვის დამატებითი უბნების გახსნის საკითხს მთლიანად ვუჭერ მხარს
კობახიძე პრეზიდენტზე - არ აქვს მორალური უფლება, ხვდებოდეს ცესკოს თავმჯდომარეს და საუბრობდეს არჩევნებზე

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics