2022-11-25 16:41:36, 756 ნახვა
ომი უკრაინაში
ზელენსკი - 274 დღე გავიდა და აშკარაა, რომ რუსეთის ანტიევროპული აგრესია მარცხდება
წელს, უკრაინაში ფრონტის ხაზი საკუთარი თავისთვის ევროპის ბრძოლის ხაზად იქცა. 274 დღე გავიდა და აშკარაა, რომ რუსეთის ანტიევროპული აგრესია მარცხდება, ევროპული თავისუფლება კი, გარანტირებული იქნება, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. ზელენსკის თქმით, რუსეთის ფედერაცია კვლავ ტერორის სხვადასხვა ფორმებს მიმართავს. "რუსეთს ჯერ კიდევ აქვს საკმარისი რაკეტები და არტილერია, რომ ყოველდღე ხალხი დახოცოს და ახალი სირთულეების პროვოცირება მოახდინოს უკრაინისა და მთელი ევროპისთვის. არ არსებობს უკრაინა ევროპისგან ცალკე ისევე, როგორც არ არსებობს პოლონეთი ან ლიეტუვა, რუმინეთი, ლატვია, გერმანია, საფრანგეთი ევროპისგან ცალკე. ეს ჩვენი კონტინენტია. ეს არის ჩვენი ცხოვრება და ეს არის ჩვენი გზა, რომლის გაგრძელებაც შეგვიძლია", - ამბობს ზელენსკი. ცნობისთვის, რუსეთის ფედერაციამ უკრაინის წინააღმდეგ ფართომასშტაბიანი ომი 24 თებერვალს, დილის საათებში დაიწყო. მას შემდეგ ქვეყნის სხვადასხვა ქალაქზე მასიური სარაკეტო იერიშები ხორციელდება, მათ შორის მშვიდობიანი მოსახლეობა და სამოქალაქო ინფრასტრუქტურა იბომბება. უკრაინის შეიარაღებული ძალების გენერალური შტაბის ინფორმაციით, ომის დაწყებიდან დღემდე, რუსულმა არმიამ 86 150-მდე ჯარისკაცი დაკარგა. აღსანიშნავია, რომ გარდაცვლილი ჯარისკაცების სრულ აღრიცხვას არ აკეთებს თავად რუსეთი. ავტორი: ექსპრესნიუსი, |
ომი უკრაინაშიუკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|