მივმართეთ საქართველოს მეხუთე პრეზიდენტს და ვთხოვთ, რაც შეიძლება სასწრაფოდ მიმიღოს, ვინაიდან მესამე პრეზიდენტის ჯანმრთელობის მდგომარეობა უკიდურესად მძიმეა, - ამის შესახებ მიხეილ სააკაშვილის ადვოკატმა, შალვა ხაჭაპურიძემ განაცხადა. 

ექსპრეზიდენტის ადვოკატმა ხაზი გაუსვა, რომ სალომე ზურაბიშვილისთვის შეწყალების მოთხოვნით არ მიუმართავს, თუმცა მიხეილ სააკაშვილის სასჯელის გადავადებას ითხოვს. 

"მივმართეთ საქართველოს მეხუთე პრეზიდენტს და ვთხოვთ მას, რომ მე მიმიღოს პირადად, მოხდეს აუდიენცია, რაც შეიძლება სასწრაფოდ, ვიანიდან მესამე პრეზიდენტის ჯანმრთელობის მდგომარეობა არის უკიდურესად მძიმე და ნებისმიერი წუთ მნიშვნელოვანია. მე ვითხოვ, რომ შევხვდე, გავაცნო საქმის მასალები, მისი ჯანმრთელობის მდგომარეობა, ასევე საექსპერტო დასკვნა და ვისაუბროთ იმასთან დაკავშირებით, ამ ქვეყნისთვის შექმნილი უმძიმესი მდგომარეობიდან რა გამოსავალი შეიძლება მივიღოთ. 

შეწყალებაზე არ მიმართავთ,ეს საკითხი ამ ეტაპზე არ განიხილება და შევხვდებით და ვნახოთ. ვთხოვთ, სასჯელის გადავადებას. პრეზიდენტს აქვს სხვა პოლიტიკური მექანიზმები, შეხვდეს მთავრობას და გაიაროს ეს საკითხები და იმსჯელონ",- განაცხადა ხაჭაპურიძემ. 

საქართველოს პრეზიდენტის ადმინისტრაციამ წერილი ჩაიბარა და რამდენიმე დღეში გახდება ცნობილი, შეხვდება თუ არა სალომე ზურაბიშვილი შალვა ხაჭაპურიძეს. 

შეგახსენებთ, რომ 19 ნოემბერს, მიხეილ სააკაშვილის ადვოკატმა, ვალერი გელბახიანმა განაცხადა, რომ ექსპრეზიდენტი მოწამლულია, ვინაიდან "სხვაგვარად ასე არ განვითარდებოდა არც ერთი დაავადება". აღნიშნულ განცხადებას გამოეხმაურა იუსტიციის მინისტრი, რომელმაც სამხარაულის სახელობის ექსპერტიზის ეროვნულ ბიუროს მოუწოდა, ჩატარდეს ტოქსიკოლოგიური ექსპერტიზა, რათა "საზოგადოებას ჰქონდეს სრული და ამომწურავი ინფორმაცია მიხეილ სააკაშვილის ჯანმრთელობის მდგომარეობის შესახებ".

პრეზიდენტის შესაძლო მოწამვლის საკითხზე კიდევ ერთი განცხადება „ვივამედშიც" გაკეთდა. კლინიკის დირექტორი, ზურა ჩხაიძე ამბობს, რომ პაციენტ სააკაშვილს ტოქსიკოლოგიური კვლევები არაერთგზის აქვს ჩატარებული.

21 ნოემბერს საქართველოს მესამე პრეზიდენტმა სოციალურ ქსელში დაწერა, რომ მოწამვლაზე ეჭვი "არასდროს ჰქონია და სპეკულაციები ამ თემაზე უადგილოა". 

ავტორი: ექსპრესნიუსი,

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება