2022-11-24 10:39:09, 1369 ნახვა
მსოფლიო
ავღანეთში „თალიბანმა“ 12 ადამიანი სახალხოდ გაამათრახა
ავღანეთში, "თალიბანის" წევრებმა 12 ადამიანი, მათ შორის 3 ქალი საფეხბურთო მოედანზე სახალხოდ გაამათრახეს. აღნიშნულ ინფორმაციას BBC ავრცელებს.
მედია "თალიბანის" ოფიციალურ წამომადგენელზე დაყრდნობით წერს, რომ მათ ბრალად ედებათ „მორალური დანაშაულების“ ჩადენა, როგორიცაა - ღალატი, ქურდობა და ჰომოსექსუალური კავშირები.
მამაკაცებსა და ქალებს, გამათრახების დროს, 21-დან 39-მდე დარტყმა მიაყენეს.
ბოლო ერთი თვის განმავლობაში, ეს რიგით მეორე შემთხვევაა, როდესაც ისლამისტურმა ჯგუფმა მსგავსი სახალხო დასჯის სცენა მოაწყო.
როგორც BBC წერს, ასეთი შემთხვევები, 1990-იან წლებში "თალიბანის" წინა მმართველობის პირობებში არსებული მკაცრი პრაქტიკის დაბრუნებაზე მიანიშნებს.
ავტორი: ექსპრესნიუსი,
epn.ge (@expressnews.ge)
