ადამიანებმა უნდა გააცნობიერონ, რომ ბირთვული ავარიის თავიდან ასაცილებლად იღბლის იმედად ყოფნა არ შეიძლება,- ამის შესახებ ატომური ენერგიის საერთაშორისო სააგენტოს (IAEA) გენერალურმა დირექტორმა, რაფაელ გროსიმ განაცხადა.

მისი თქმით, ატომური ელექტროსადგურის გარშემო უსაფრთხოების ზონის შექმნა აუცილებელია და ამ საკითხზე მოლაპარაკებები გრძელდება.

„ეს არის აქტიური საბრძოლო ზონა, ამიტომ შეთანხმებული პარამეტრების მიღწევა არც ისე ადვილია”,- განაცხადა გროსიმ.

მისივე თქმით, მან შეხვედრები გამართა როგორც თურქეთში რუსეთის დელეგაციასთან, ასევე უკრაინის საგარეო საქმეთა მინისტრ, დმიტრო კულებასთან.

„ორივესთან მაქვს კონსულტაციები. არ დავეთანხმები შეფასებას, რომ პროგრესს არ ვაღწევთ, ვფიქრობ, გვაქვს. რა თქმა უნდა, ჩვენ ვსაუბრობთ რაღაცაზე, რაც ძალიან რთულია. ეს არის ომი. ეს არის ნამდვილი ომი და დაცვის ზონა, რომელსაც მე ვთავაზობ, არის ზუსტად ფრონტის ხაზზე. ადამიანებმა უნდა გააცნობიერონ, რომ ბირთვული ავარიის თავიდან ასაცილებლად იღბლის იმედად ყოფნის გაგრძელება არ შეიძლება”,- დასძინა გროსიმ.

შეგახსენებთ, რომ შაბათ-კვირას ზაპოროჟიეს ატომური ელექტროსადგური რამდენჯერმე დაბომბეს.

რუსები და უკრაინელები თავდასხმაში ერთმანეთს ადანაშაულებენ.

ამასთან, გუშინ  კიევის მერის, ვიტალი კლიჩკოს განცხადებით,  ოკუპანტებმა უკრაინის დედაქალაქის თავზე 31 რაკეტა გაისროლეს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს