ევროპარლამენტის წევრებმა სტრასბურგში პლენარულ სესიაზე მიიღეს რეზოლუცია, რომელიც რუსეთს ტერორიზმის სპონსორ სახელმწიფოდ აღიარებს.

რეზოლუციას მხარი 494-მა დეპუტატმა დაუჭირა, წინააღმდეგი იყო 58, ხოლო 44-მა თავი შეიკავა.

დოკუმენტის მიხედვით, ევროპარლამენტი მოუწოდებს ევროკავშირის საბჭოს „გაფართოვდეს სანქციების ქვეშ მყოფი პირების სია“. 

რეზოლუცია „მოუწოდებს ევროკავშირის ყველა კანდიდატ ქვეყანას და პოტენციურ კანდიდატს შეუერთდნენ ევროკავშირის სანქციების პოლიტიკას“.

ევროპარლამენტი ასევე იწვევს ევროკომისიას და ევროკავშირის წევრ ქვეყნებს "განიხილონ შესაძლო ზომები ქვეყნების წინააღმდეგ, რომლებიც ცდილობენ დაეხმარონ რუსეთს სანქციების გვერდის ავლაში.

ევროპარლამენტარების რეკომენდაციებს შორის არის „დაუყოვნებლივ და სრული ემბარგო ევროკავშირიდან რუსული წიაღისეული საწვავისა და ურანის იმპორტზე, ასევე „ჩრდილოეთის ნაკადი1“ და „ჩრდილოეთ ნაკადი 2“ გაზსადენების სრული უარყოფა.

შეგახსენებთ, რომ 13 ოქტომბერს ევროპის საბჭოს საპარლამენტო ასამბლეამ ერთხმად მიიღო რეზოლუცია, რომელიც რუსეთის ფედერაციას ტერორისტულ რეჟიმად მოიხსენიება და გახდა პირველი საერთაშორისო ორგანიზაცია, რომელმაც რუსეთი ტერორისტულ სახელმწიფოდ აღიარა.

ამასთან, კვირის დასაწყისში ნატოს საპარლამენტო ასამბლეამ გამოაქვეყნა რეზოლუცია, რომელიც რეკომენდაციას უწევს რუსეთის გამოცხადებას „ტერორისტულ რეჟიმად“.

აღსანიშნავია ასევე, რომ ოქტომბერში ევროპის საბჭოს საპარლამენტო ასამბლეამ (PACE) მიიღო მსგავსი რეზოლუცია.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს