რუსეთის მიერ უკრაინაში ომის დაწყების დღიდან დღემდე, კიევმა ამერიკის შეერთებული შტატებისგან 20 მილიარდ დოლარზე მეტი სამხედრო დახმარება მიიღო. ამის შესახებ ინფორმაციას აშშ-ის თავდაცვის მდივანი ავრცელებს. 

ლოიდ ოსტინმა ხაზგასმით აღნიშნა, რომ უკრაინას შეუძლია ჰქონდეს დასავლეთის მხარდაჭერის იმედი.

"ჩვენ უკრაინას 20 მილიარდ დოლარზე მეტი დახმარება გავუწიეთ და ჩვენ გავაგრძელებთ უკრაინის მხარდაჭერას მანამ, სანამ დასჭირდებათ", - განაცხადა ოსტინმა ინდონეზიაში გამართულ პრესკონფერენციაზე .

მინისტრმა ასევე შეაქო უკრაინის შეიარაღებული ძალები მიღწეული წარმატებებისთვის და დასძინა, რომ უკრაინული არმიის ამოცანაა მისი ყველა მიწების დეოკუპაცია, ხოლო უკრაინის პარტნიორების ამოცანაა, შეძლებისდაგვარად დაეხმარონ მათ. 

ცნობისთვის, 15 ნოემბერს თეთრმა სახლმა აშშ-ს კონგრესს სთხოვა დაამტკიცოს 37,7 მილიარდი აშშ დოლარი უკრაინის უსაფრთხოებისა და სხვა სახის დახმარების სახით.

უკრაინისთვის აშშ-ის დახმარების ახალ პაკეტში შედის  რაკეტები HAWK საჰაერო თავდაცვის სისტემებისთვის, ოთხი Avenger საჰაერო თავდაცვის სისტემა, Stinger რაკეტები და დამატებითი HIMARS საბრძოლო მასალა. სხვა საკითხებთან ერთად, ასევე შედის 400 ყუმბარმტყორცნი, დაბრკოლებების გამანადგურებელი აღჭურვილობა და ზამთრის დამცავი აღჭურვილობა.

ავტორი: ექსპრესნიუსი,

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი