2022-11-21 13:10:43, 1317 ნახვა
მსოფლიო
ჩვენ გავიმარჯვებთ - ზელენსკიმ უკრაინელებს ღირსებისა და თავისუფლების დღე მიულოცა
ყველაფერს გადავლახავთ, ჩვენ გადავრჩებით, ჩვენ გავიმარჯვებთ, - ასე მიულოცა უკრაინელებს პრეზიდენტმა, ვოლოდიმირ ზელენსკიმ ღირსებისა და თავისუფლების დღე.
ზელენსკის თქმით, ამ დღის აღსანიშნავად, მოქალაქეები დამოუკიდებლობის მოედანზე შეიკრიბებიან.
"ღირსებისა და თავისუფლების დღეს დამოუკიდებლობის მოედანზე შევიკრიბებით, სადაც ღირსება და თავისუფლება ყოველთვის იყო დაცული; ბარიკადებზე ნარინჯისფერი რევოლუციისა და ღირსების რევოლუციის დროს; სადაც აღვნიშნეთ უკრაინის დამოუკიდებლობის 30 წლის იუბილე, იქ ჩვენ აღვნიშნავთ უკრაინის გამარჯვების დღეს მშვიდ კიევში, მშვიდ უკრაინაში. დიდება უკრაინას", - განაცხადა ზელენსკიმ.
ავტორი: ექსპრესნიუსი,
epn.ge (@expressnews.ge)
