თურქეთის მიერ სირიის ჩრდილოეთ ნაწილში განხორციელებულ ავიადარტყმებს სულ მცირე 31 ადამიანის სიცოცხლე ემსხვერპლა. 

სირიის ადამიანის უფლებათა მონიტორინგის ცენტრის ინფორმაციით, რაიონში, დაახლოებით, 25 დარტყმა განხორციელდა, დარტყმების ძირითადი სამიზნე კი, ქალაქი კობანი და თურქეთის საზღვართან მისი შემოგარენი იყო.

„გაერო-ს წესდების 51-ე მუხლიდან გამომდინარე, ჩვენი თავდაცვის უფლებების შესაბამისად, საჰაერო ოპერაცია „კლანჭ-მახვილი“ განხორციელდა ერაყისა და სირიის რეგიონებში, რომლებიც გამოიყენება ჩვენს ქვეყანაში თავდასხმების ბაზებად", - აცხადებენ თურქეთის თავდაცვის სამინისტროში.

ცნობისთვის, თურქეთმა ქურთი მებრძოლების ბაზები ჩრდილოეთ სირიის გარდა, ჩრდილოეთ ერაყშიც დაბომბა. 

თურქეთის მთავრობის განცხადებით, 13 ნოემბერს, სტამბოლში მომხდარ აფეთქებაში სწორედ ქურთი მებრძოლები მონაწილეობდნენ. 

ისტიკლალის გამზირზე, სტამბოლის ერთ-ერთ ყველაზე დატვირთულ ქუჩაზე აფეთქების შედეგად 6 ადამიანი დაიღუპა, ხოლო 80-ზე მეტი დაშავდა.

გასულ კვირას ბულგარეთში, სტამბოლში მომხდარ აფეთქებასთან კავშირში ბრალდებული 5 ადამიანი დააკავეს. 

აღსანიშნავია, რომ აფეთქებაზე არც ერთ დაჯგუფებას პასუხისმგებლობა არ აუღია.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს