რუსეთმა ირანთან მიაღწია შეთანხმებას, რომლის მიხედვითაც, საკუთარ ტერიტორიაზე ასობით უპილოტო საფრენი თვითმფრინავის წარმოებას იწყებს. აღნიშნულ ინფორმაციას The Washington Post აშშ-ისა და სხვა დასავლური უსაფრთხოების სააგენტოების დაზვერვაზე დაყრდნობით ავრცელებს.

როგორც გამოცემა წერს, შეთანხმებას რუსმა და ირანელმა ოფიციალურმა პირებმა  ნოემბრის დასაწყისში, ირანში გამართულ შეხვედრაზე მიაღწიეს.

The Washington Post-ს ცნობით, აღნიშნულ საკითხთან დაკავშირებული სამი ოფიციალური პირი ამბობს, რომ რუსეთი და ირანი დიზაინსა და სხვა კომპონენტებზე სწრაფად შეთანხმებას ცდილობენ, რათა წარმოება მომდევნო თვეებში დაიწყოს.

ცნობისთვის, 5 ნოემბერს, ირანმა პირველად აღიარა, რომ რუსეთს დრონები მიაწოდა. საგარეო საქმეთა მინისტრის, ჰოსეინ ამირ აბდოლაჰიანის მტკიცებით, ტრანსფერი რუსეთის უკრაინაში შეჭრამდე განხორციელდა.

უფრო ადრე, საგარეო საქმეთა მინისტრი ამბობდა, რომ "ირანი არ უგზავნის იარაღს უკრაინაში მეომარ მხარეებს და ომის დასრულება სურს" და რომ "თეირანის პოლიტიკა უკრაინის ომთან დაკავშირებით ქვეყნის ტერიტორიული მთლიანობის პატივისცემაა".

აღსანიშნავია, რომ 20 ოქტომბერს დიდმა ბრიტანეთმა სამ ირანელ გენერალსა და ერთ კომპანიას რუსეთისთვის უპილოტო საფრენი აპარატების მიწოდების გამო სანქციები დაუწესა.

19 ოქტომბერს ირანს, ამავე მიზეზით, სანქციები დაუწესა ევროკავშირმაც.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს