16:54 - 29 Mar, 2024
რეკლამა/ხელმოწერა
2022-11-17 19:00:05, 758 ნახვა

ეკონომიკა
პაატა კვიჟინაძე - საქართველო ყველაზე დაბალი ვალის მქონე ევროპის ხუთ ქვეყანას შორისაა

საქართველოს აქვს  მთავრობის დაბალი ვალი. ყველაზე დაბალი ვალის მქონე  ევროპის ხუთ ქვეყანას შორის ვართ - განაცხადა საფინანსო-საბიუჯეტო კომიტეტის თავმჯდომარის პირველმა მოადგილემ პაატა კვიჟინაძემ პარლამენტის პლენარულ სხდომაზე 2023 წლის სახელმწიფო ბიუჯეტის შესახებ კანონპროექტის განხილვისას.

როგორც კვიჟინაძემ აღნიშნა, მნიშვნელოვანია ბიუჯეტის მაჩვენებლები იყოს კანონით გათვალისწინებულ ნორმაში, რადგან თუ ნორმაში არ იყო, ეს გამოიწვევს ზეწოლას ინფლაციაზე, ვალების გაზრდას და შემდეგ გასტუმრების პრობლემას.

მისივე თქმით, პანდემიის დროს ყველას მოუხდა ბიუჯეტის გაზრდა, რაც ავიდა 9%-ზე, ხოლო  საქართველომ, ერთი წლით ადრე, მოახერხა დაბრუნებოდა ბიუჯეტის ნიშნულს, რაც ნიშნავს იმას, რომ მთავრობის მხრიდან არც ლარს და არც ინფლაციას ზეწოლა აღარ აქვს. 

„როდესაც ბიუჯეტზე ვსაუბრობთ, ჩვენ გვაქვს ორი მიმართულება. ერთი - თვითონ ბიუჯეტი იყოს მყარი, კარგი მაჩვენებლებით, მეორე - სად მიდის ეს თანხები, გადასახდელები სოციალური, ინფრასტრუქტურული თუ ეკონომიკური განვითარების. რატომ არის მნიშვნელოვანი რომ ბიუჯეტის მაჩვენებლები იყოს კანონით გათვალისწინებულ ნორმაში, იმიტომ, რომ თუ ეს ნორმაში არ იყო, ეს გამოიწვევს ზეწოლას ინფლაციაზე,  ვალების გაზრდას და შემდეგ ამ ვალების გასტუმრების პრობლემას, ასევე ეს გამოიწვევს უნდობლობას საერთაშორისო ორგანიზაციების მხრიდან. ამიტომ პრინციპულად მნიშვნელოვანია ეს მაჩვენებლები იყოს შენარჩუნებული. 
ბიუჯეტის დეფიციტი პანდემიის დროს, 2020 წელს ყველა ქვეყანას გაეზარდა, რაც ძალიან ცუდი იყო, გაიზარდა იგი ჩვენთანაც და, სამწუხაროდ, 9%-ზე ავიდა. მაგრამ აღსანიშნავია, ისე მოხდა, რომ სამწლიან ვადაში კი არა, როგორც ეს კანონითაა განსაზღვრული, უკვე წელს გავედით ამ მიმართულებით ნორმაში, ერთი წლით ადრე, რაც ვერ მოახერხა მსოფლიოს ბევრმა, მათ შორის, წამყვანმა ქვეყნებმა. ბიუჯეტის დეფიციტის ნორმაზე ჩამოსვლა ნიშნავს იმას, რომ აღარ აქვს ზეწოლა არც ლარს, არც ინფლაციას მთავრობის მხრიდან. რაც შეეხება მთავრობის ვალს, საქართველოს აქვს მთავრობის დაბალი ვალი, ჩვენ ყველაზე დაბალი ვალის მქონე ხუთ ევროპულ ქვეყანას შორის ვართ. საქართველოში ეკონომიკური ზრდაც ერთ-ერთი საუკეთესოა ევროპისა და რეგიონის მასშტაბით. გავედით 2019 წლის მონაცემებზე ზევით, ასეთი ეკონომიკური ზრდა პრაქტიკულად არავის აქვს“, - განაცხადა საფინანსო-საბიუჯეტო კომიტეტის თავმჯდომარის პირველმა მოადგილემ.




ავტორი: NS (სტატია დაფინანსებულია),


სოციალური ქსელები
სააკაშვილი - უცხოეთში მცხოვრები თანამემამულეებისთვის დამატებითი უბნების გახსნის საკითხს მთლიანად ვუჭერ მხარს
კობახიძე პრეზიდენტზე - არ აქვს მორალური უფლება, ხვდებოდეს ცესკოს თავმჯდომარეს და საუბრობდეს არჩევნებზე
ტაჯიკეთში ტერორისტებთან კავშირში ეჭვმიტანილი ცხრა ადამიანი დააკავეს
რუმინეთში, უკრაინის საზღვართან დრონი ჩამოვარდა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics