ირანში ქალაქ იზეჰში ხელისუფლების საწინააღმდეგო აქციებზე უსაფრთხოების ძალებმა 2 არასრულწლოვანი მოკლეს,- აღნიშნულის შესახებ ინფორმაციას BBC-ი ავრცელებს.

BBC-ის ცნობით, უსაფრთხოების ძალების წარმომადგენლებმა აქტივისტებს ცეცხლი გაუხსნეს, რის შედეგადაც 9 წლის კიან პირფალაკი და 14 წლის სეფერ მაღსუდი დაიღუპნენ.

დაღუპული 9 წლის ბავშვის ოჯახთან დაახლოებული წყაროს განცხადებით, ბავშვი მამასთან ერთად მანქანით გადაადგილდებოდა როცა მათ უსაფრთხოების ძალებმა ცეცხლი გაუხსნეს. კიანს ტყვია გულში მოხვდა და ადგილზე დაიღუპა.

მეორე დაღუპული მოზარდის ოჯახი კი BBC-სთან აცხადებს, რომ იზეჰში პროტესტისას მას პოლიციამ თავში ესროლა.

როგორც წყარომ გამოცემასთან საუბრისას აღნიშნა, ცხედარი უსაფრთხოების ძალებმა ადგილობრივი მორგიდან მოიპარეს.

BBC-ის ცნობითვე, 16 ნოემბერს ირანში საპროტესტო აქციებზე პოლიციის მხრიდან ცეცხლს, სულ მცირე 13 ადამიანი ემსხვერპლა.

ამასთან, ირანის სახელწმიფო მედია Irna-ის ცნობით, იზეჰში ადგილობრივი დროით 17:30 საათზე ორი შეიარაღებული ადამიანი მოტოციკლით გადაადგილებოდა და აქტივისტებსა და უსაფრთხოების პერსონალს თავს ესხმოდა.

მათი თქმით, ეს "ტერორისტული აქტი" იყო, რომელსაც 7 ადამიანი ემსხვერპლა, მათ შორის 9 წლის ბავშვი და ქალიც.

შემთხვევის შედეგად დაიღუპა 3 პოლიციელი, რამდენიმე კი დაშავდა.

აღსანიშნავია, რომ ამ ინფორმაციას უარყოფენ ოპოზიციური აქტივისტები და დამოუკიდებელი ორგანიზაციები.

ირანის ადამიანის უფლებათა აქტივისტევის საინფორმაციო სააგენტოს (HRANA)-ს ცნობით, საერთო ჯამში სულ მცირე 362 აქტივისტი, მათ შორის 56 ბავშვი დაიღუპა, ხოლო 16 000 ადამიანი კი მაჰსა ამინის დაღუპვის შემდეგ დაწყებული საპროტესტო აქციების მიმდინარეობისას დააკავეს.

შეგახსენებთ, რომ ირანში ანტისამთავრობო დემონსტრაციები სექტემბრის შუა რიცხვებში, 22 წლის გოგონას გარდაცვალების შემდეგ დაიწყო, რომელიც თეირანში მორალის პოლიციამ ჰიჯაბის არასწორად ტარებისთვის დააკავა და ის რამდენიმე დღის შემდეგ გარდაიცვალა.

პოლიციის მტკიცებით, გოგონა სადგურზე ცუდად გახდა, საიდანაც იგი საავადმყოფოში გადაიყვანეს, სადაც მალევე გარდაიცვალა. ამასთან, ახლობლების თქმით, გარდაცვალების მიზეზი სასტიკი მოპყრობა და ცემა გახდა.

შეუჩერებელ აქციებთან დაკავშირებით, რომლებიც ქვეყნის ასამდე ქალაქში იმართება, ოქტომბრის ბოლოსთვის, მხოლოდ თეირანში ბრალი 315 ადამიანს წაუყენეს.

მათ ბრალი ეროვნული უსაფრთხოების წინააღმდეგ შეთქმულებაში, ხელისუფლების წინააღმდეგ პროპაგანდაში და საზოგადოებრივი წესრიგის დარღვევაში ედებათ. გარდა ამისა, უფლებადამცველებმა ასევე დემონსტრანტების გატაცებისა და მათ ნათესავებზე ზეწოლის შესახებ განაცხადეს.

ზოგიერთ "აჯანყებულს", სხვა ბრალდებებთან ერთად, ბრალად ედება უკანონო იარაღის ტარება, სამართალდამცავების დაჭრა და საზოგადოებრივი და სამთავრობო ქონების განადგურება და ქვეყნის უსაფრთხოებისა და ისლამური სისტემის დაპირისპირების მიზნით ცეცხლის წაკიდება.

გარდა ამისა, თეირანის სასამართლომ მაჰსა ამინის გარდაცვალების შემდეგ, ქვეყანაში დაწყებული საპროტესტო აქციების მონაწილესეებს სიკვდილით დასჯა მიუსაჯა.

აღსანიშნავია, რომ მსგავსი სასჯელი პირველი ასეთი სასჯელა დემონსტრაციების მონაწილეებისთვის.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს