G20-ის სამიტზე შეკრებილმა მსოფლიო ლიდერებმა, პოლონეთში მომხდარი აფეთქებების შემდეგ, საგანგებო შეხვედრა გამართეს. ამის შესახებ Reuters-ი იტყობინება.

თეთრი სახლის ცნობით, შეხვედრა აშშ-ის პრეზიდენტმა ჯო ბაიდენმა მას შემდეგ მოიწვია, რაც აფეთქების შედეგად ორი ადამიანი დაიღუპა. 

შეხვედრაში მონაწილეობა მიიღეს აშშ-ს, გერმანიის, კანადის, ნიდერლანდების, იაპონიის, ესპანეთის, იტალიის, საფრანგეთისა და დიდი ბრიტანეთის ლიდერებმა.

ყველა, იაპონიის გარდა, ნატო-ს წევრია, თავდაცვის ალიანსი, რომელიც ასევე მოიცავს პოლონეთს.

გადაწყვეტილებამ, რომ მოსკოვი დამნაშავეა აფეთქებაში, შეიძლება გამოიწვიოს ნატო-ს კოლექტიური თავდაცვის პრინციპი, რომელიც ცნობილია როგორც მე-5 მუხლი, რომლის მიხედვითაც ალიანსის ერთ წევრზე თავდასხმა განიხილება თავდასხმად ყველაზე, რაც გამოიწვევს სამხედრო პასუხს.

შეხვედრის დასრულების შემდეგ, ბაიდენმა ჟურნალისტებთან კომენტარი არ გააკეთა.

ოფიციალური პირების თქმით, უცნობია რამდენ ხანს გაგრძელდება შეხვედრა.

ცნობისთვის, 15 ნოემბერს უკრაინის ტერიტორიაზე რუსული მასიური სარაკეტო თავდასხმის დროს, პოლონეთში 2 რუსული რაკეტა ჩამოვარდა, რის შედეგადაც ორი ადამიანი დაიღუპა.

პოლონეთის საგარეო საქმეთა სამინისტრომ დაადასტურა ქვეყნის ტერიტორიაზე რუსული რაკეტის ჩამოვარდნა და გამოიძახა რუსეთის ფედერაციის ელჩი. ამავე დროს, პოლონეთის პრეზიდენტმა დუდამ განაცხადა, რომ ამჟამად არ არსებობს „დამაჯერებელი მტკიცებულება იმის შესახებ, თუ ვინ გაუშვა ეს რაკეტა“.

რუსეთის ფედერაციის თავდაცვის სამინისტრო ტრადიციულად უარყოფს თავდასხმაში მონაწილეობას.

ნატოს ელჩები, 16 ნოემბერს, პოლონეთის მოთხოვნით, ალიანსის მე-4 მუხლის საფუძველზე, შეხვდრას გამართავენ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს