ბრიტანეთის ახლად არჩეულმა პრემიერმა, რიში სუნაკმა G20-ის სამიტზე სიტყვით გამოსვლისას დაგმო რუსეთის შეჭრა უკრაინაში და დასძინა, რომ „ქვეყნები არ უნდა შეიჭრან თავიანთ მეზობლებთან“.

პლენარულ დარბაზში რუსეთის საგარეო საქმეთა მინისტრის სერგეი ლავროვის პირისპირ, პრემიერ-მინისტრმა მოსკოვს მოუწოდა „გავიდეს უკრაინიდან და დაასრულოს ეს ბარბაროსული ომი“. 

”აღსანიშნავია, რომ პუტინი არ შემოგვიერთდა. შესაძლოა, აქ რომ ყოფილიყო, შესაძლებელი ყოფილიყო საქმეების დალაგება, რადგან ყველაზე დიდი რამ, რაც შეიძლება ვინმემ გააკეთოს, არის ის, რომ რუსეთი გავიდეს უკრაინიდან და დაასრულოს ეს ბარბაროსული ომი. ეს გარდამტეხი იქნებოდა უკრაინისთვის და მსოფლიოსთვის. დიდი ბრიტანეთი წინააღმდეგია ამ აგრესიის. ჩვენ მხარს დავუჭერთ უკრაინას იმდენ ხანს, რამდენიც დასჭირდება",- განაცხადა სუნაკმა. 

შეგახსენებთ, რომ დღეს ინდონეზიის კუნძულ ბალიზე „დიდი ოცეულის“ სამიტი გაიხსნა. სამიტზე განსახილველი მთავარი საკითხები უკრაინის ომი და ინფლაცია იქნება.

რუსეთის პრეზიდენტმა ვლადიმერ პუტინმა, რომელმაც ინდონეზიაში ჩასვლა გადაიფიქრა, G20-ის სამიტს არც ვირტუალურ რეჟიმში ესწრება. ეს გადაწყვეტილება "პუტინის განრიგს და რუსეთში ყოფნის აუცილებლობას უკავშირდება". რუსეთის დელეგაციას საგარეო საქმეთა სამინისტროს ხელმძღვანელი, სერგეი ლავროვი ხელმძღვანელობს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს