ევროპარლამენტი მომავალ კვირას განიხილავს რეზოლუციას, რომლითაც რუსეთის ფედერაცია ტერორისტულ სახელმწიფოდ იქნება აღიარებული,- ამის შესახებ ევროპარლამენტარმა, რასა იუკნევიჩიენემ განაცხადა.

ევროპის სახალხო პარტიის ვებგვერდზე გამოქვეყნებულ შეტყობინებაში ნათქვამია, რომ ბალიში G20 სამიტის წინა დღეს, ჯგუფმა გამოხატა უკმაყოფილება რუსეთის ყოფნის შესახებ G20-ის ლიდერების მოლაპარაკებებში.

 „ჩვენ უფლებას ვაძლევთ ტერორისტული სახელმწიფოს ერთ-ერთ ლიდერს, თანაბარი პირობებით მონაწილეობდეს მსოფლიოს მომავლის შესახებ დისკუსიაში - ეს არის ის, თუ რას ნიშნავს ლავროვის დაჯდომის უფლება G20-ის დანარჩენ ლიდერებთან ერთად. ეს მიუღებელია. ჩვენ არასდროს არ უნდა ვილაპარაკოთ ტერორისტებთან. ევროპარლამენტი ღიაა ამ საკითხთან დაკავშირებით, მომავალ კვირას, პლენარულ სხდომაზე  ჩვენ კენჭს ვუყრით რეზოლუციას რუსეთის ფედერაციის ტერორისტულ სახელმწიფოდ კლასიფიკაციისთვის“,- განაცხადა იუკნევიჩიენემ.

მისივე თქმით,, ევროპარლამენტი ღიად გმობს რუსეთის გაუმართლებელ, არაპროვოცირებულ და უკანონო აგრესიას უკრაინის წინააღმდეგ 2014 წელს ყირიმის ანექსიის შემდეგ.

შეგახსენებთ, რომ 13 ოქტომბერს ევროპის საბჭოს საპარლამენტო ასამბლეამ ერთხმად მიიღო რეზოლუცია, რომელიც რუსეთის ფედერაციას  ტერორისტულ რეჟიმად მოიხსენიება.

ამასთან, ევროპის საბჭოს საპარლამენტო ასამბლეა გახდა პირველი საერთაშორისო ორგანიზაცია, რომელმაც რუსეთი ტერორისტულ სახელმწიფოდ აღიარა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს