სოფლის მეურნეობისა და სოფლის განვითარების ევროპის სამეზობლო პროგრამის  ENPARD IV-ის ფარგლებში ხელმოწერილი შეთანხმება, შვედეთის განვითარების სააგენტოს მხრიდან სურსათის უვნებლობის, სანიტარიული და ფიტოსანიტარიული ღონისძიებების მხარდასაჭერად, 3.4 მილიონი აშშ დოლარის ოდენობის ფინანსურ მხარდაჭერას ითვალისწინებს. 

ოთარ შამუგიამ ქვეყნისთვის ხარისხიანი პროდუქციის წარმოების ზრდის მნიშვნელობაზე ისაუბრა და ხაზგასმით აღნიშნა ცოდნისა და თანამედროვე ტექნოლოგიების  დანერგვის მიმართულებით მხარდაჭერის საკითხი.

მინისტრმა მადლობა გადაუხადა გაეროს სურსათისა და სოფლის მეურნეობის ორგანიზაციასა და შვედეთის მთავრობას მრავალწლიანი ეფექტიანი თანამშრომლობისთვის და ევროკავშირთან დაახლოების და ევროპულ ბაზრებზე წვდომის გამარტივების პროცესში, ყურადღება ENPARD IV-ის  მნიშვნელობაზე გაამახვილა. 

„ყველა პროცესი, რაც ქვეყნის ევროკავშირთან ინტეგრაციას უკავშირდება, შეუფერხებლად და წარმატებით მიმდინარეობს. სამინისტრო აღებულ ვალდებულებებს ზედმიწევნით ასრულებს. მოგეხსენებათ, ამ პროცესში უმნიშვნელოვანესი საერთაშორისო პარტნიორების მხარდაჭერაა, რისთვისაც მადლობა მინდა გადაგიხადოთ“, - განაცხადა ოთარ შამუგიამ. 

გაეროს სურსათისა და სოფლის მეურნეობის ორგანიზაციის (FAO) წარმომადგენელმა საქართველოში, რაიმუნდ იელემ  ENPARD III -ის წარმატებული განხორციელების შესახებ ისაუბრა და ENPARD IV-ის ფარგლებში, ქვეყნის სურსათის უვნებლობის, სანიტარიული და ფიტოსანიტარიული მიმართულებით  ხელშესახები შედეგების მიღწევის სურვილი გამოთქვა. 

„ეს შეთანხმება არის სამინისტროსა და გაეროს სურსათისა და სოფლის მეურნეობის ორგანიზაციას შორის მორიგი წარმატებული თანამშრომლობის მაგალითი. მნიშვნელოვანია, რომ ვიწყებთ ახალ პროექტს, რომლის განხორციელებაშიც  FAO-ს, ჩეხეთის რესპუბლიკის, ევროკავშირის და შვედეთის სამეფოს  ექსპერტები თანაბრად იქნებიან ჩართული. აღნიშნული პროექტის ეფექტიანი განხორციელება მორიგი წინ გადადგმული ნაბიჯი იქნება საქართველოს ევროკავშირთან ინტეგრაციის პროცესში“, - განაცხადა რაიმუნდ იელემ.  

როგორც შვედეთის ელჩის მოადგილემ, ერიკ ილესმა აღნიშნა, შვედეთის მთავრობისთვის საქართველო საიმედო პარტნიორია და მოხარულია პროექტის ფარგლებში, ქვეყანაში სანიტარიული და ფიტოსანიტარიული მიმართულებით თანამშრომლობის შესაძლებლობით.

გარემოს დაცვისა და სოფლის მეურნეობის სამინისტროში გამართულ შეხვედრას მინისტრის პირველი მოადგილე გიორგი ხანიშვილი, გაეროს სურსათისა და სოფლის მეურნეობის ორგანიზაციის წარმომადგენლები და სამინისტროს შესაბამისი სამსახურის ხელმძღვანელი პირები ესწრებოდნენ.

ავტორი: NS (სტატია დაფინანსებულია),

სოციალური ქსელები

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა