უკრაინის შეიარაღებული ძალების ცნობით, 9 ნოემბერს ორი მიმართულებით 7 კილომეტრით დაწინაურდნენ და 12 დასახლებული პუნქტი დაიბრუნეს. ამის შესახებ უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა.

მისი თქმით,  ამ დროის განმავლობაში უკრაინამ შეძლო კონტროლის აღდგენა 41 დასახლებაზე.

„მტრის ყოველი ეგრეთ წოდებული „კეთილგანწყობის“ მიღმა ჩვენი ჯარების კოლოსალური ძალისხმევა დგას. ისევე როგორც მტერმა უკან დაიხია კიევიდან და ხარკოვის რეგიონიდან, დატოვა ზმეინის კუნძული, ხერსონიდან გასვლაც ჩვენი აქტიური მოქმედებების შედეგია“,- განაცხადა ზალუჟნიმ .

ზალუჟნის თქმითვე, ხერსონის მიმართულებით უკრაინის თავდაცვის ძალებმა გაანადგურეს ლოჯისტიკური მარშრუტები და მომარაგების სისტემა, დაარღვიეს მტრის სამეთაურო-კონტროლის სისტემა, ამიტომ რუსებს გაქცევის გარდა სხვა გზა არ ჰქონდათ.

გარდა ამისა, მთავარსარდალმა განაცხადა, რომ ინფორმაციას ხერსონიდან რუსული საოკუპაციო ჯარების გაყვანის შესახებ ვერც დადასტურებს და ვერც უარყოფს.

“ახლა ჩვენ არ შეგვიძლია დავადასტუროთ ან უარყოთ ხერსონიდან რუსული საოკუპაციო ჯარების გაყვანის შესახებ. ჩვენ ვაგრძელებთ შეტევითი ოპერაციის ჩატარებას ჩვენი გეგმის შესაბამისად“,- დასძინა ზალუჟნიმ.

შეგახსენებთ, რომ გუშინ რუსეთის ფედერაციის სამხედრო სარდლობამ გამოაცხადა, რომ ხერსონიდან დნეპრის მარცხენა სანაპიროზე ჯარები გაიყვანა.

იმავდროულად, უკრაინაში რუსეთის განცხადებებს სკეპტიკურად უყურებენ და მოუწოდებენ არ დაუჯერონ მტერს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს