ვფიქრობ, ეს კარგი დღე იყო დემოკრატიისთვის, - ასე ეხმაურება ამერიკის შეერთებული შტატების პრეზიდენტი, ჯო ბაიდენი კონგრესის შუალედურ არჩევნებს.

როგორც თეთრ სახლში გამოსვლისას ბაიდენმა თქვა, შედეგებმა აჩვენა, რომ ამერიკელები კვლავინდებურად იმედგაცრუებული არიან, თუმცა მისი ოპტიმიზმი გამართლდა და ამ დროის შედეგების მიხედვით, "შვებით ამოისუნთქა".

"თავისი არჩევანით, ამერიკელმა ხალხმა თქვა და კიდევ ერთხელ დაამტკიცა, რომ დემოკრატია არის ის, რასაც ჩვენ წარმოვადგენთ. ქვეყნის მასშტაბით შტატებში ამომრჩეველთა რეკორდული აქტივობა იყო. არ ვიცით ჯერ ყველა შედეგი. ვიდრე პრესა და ექსპერტები პროგნოზირებდნენ გიგანტურ წითელ ტალღას, ეს არ მოხდა. ვფიქრობ, რომ ყველაფერი კარგად იქნება", - განაცხადა ბაიდენმა და დასძინა, რომ მზად არის "რესპუბლიკელებთან" თანამშრომლობისთვის, თუმცა არის გარკვეული საკითხები, რასთან დაკავშირებითაც კომპრომისზე ვერ წავა.

მისივე თქმით, 2024 წელს, აშშ-ის საპრეზიდენტო არჩევნებში კენჭისყრას აპირებს.

”ჩვენი განზრახვა არის ხელახლა კენჭისყრა. ეს იყო ჩვენი განზრახვა”, - უთხრა ჟურნალისტებს ბაიდენმა.

ცნობისთვის, კონგრესის შუალედური არჩევნების ამ დროისთვის არსებული შედეგების მიხედვით, "დემოკრატებმა" სენატში 50, ხოლო "რესპუბლიკელებმა" 48 მანდატი მოიპოვეს. რაც შეეხება წამომადგენელთა პალატას, აქ  210 192-ის წინააღმდეგ, "რესპუბლიკელები" ლიდერობენ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს