რუსეთის უსაფრთხოების საბჭოს მდივანი, ნიკოლაი პატრუშევი ირანში ჩავიდა.

ომის კვლევის ინსტიტუტის (ISW) ცნობით, პატრუშევმა, სავარაუდოდ, ირანისგან ბალისტიკური რაკეტების შეძენა უნდა განიხილოს.

„თეირანში ნ. პატრუშეშვი გამართავს დაგეგმილ რუსულ-ირანულ კონსულტაციებს უსაფრთხოებასთან დაკავშირებით, ორი ქვეყნის უსაფრთხოების საბჭოსა და რიგი სამინისტროების წარმომადგენელთა მონაწილეობით”,- ნათქვამია რუსეთის უსაფრთხოების საბჭოს განცხადებაში.

გარდა ამისა, თავდაპირველად, 8 ნოემბერს, ირანულმა მედიამ გაავრცელა ცნობა, რომ პატრუშევი თეირანში ჩავიდა და, სავარაუდოდ, ის ირანელი კოლეგის, ალი შამხანის მიერ იყო მიწვეული. 

შეგახსენებთ, რომ დასავლური დაზვერვის ინფორმაციით, ირანი რუსეთს უკრაინაში ომის წარმოებისთვის დრონებს აწვდის. 

თეირანი თავდაპირველად უარყოფდა მოსკოვისთვის ამ შეიარაღების გადაცემას, თუმცა შემდეგ აღიარეს. ამასთან, თეირანის მტკიცებით, მათ რუსეთს უპილოტო საფრენი აპარატები ომის დაწყებამდე გადასცეს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს