რუსეთის სამთავრობო მედიის მტკიცებით, ოკუპირებულ ხერსონში დააკავეს 9 პირი, რომლებიც ადგილობრივი ოფიციალური პირების წინააღმდეგ, ტერორისტულ თავდასხმებს გეგმავდნენ.

როგორც "რია ნოვოსტი" წერს, დაკავებულები უკრაინის უსაფრთხოების სამსახურის წარმომადგენლები არიან.

"ხერსონის ოლქის ტერიტორიაზე გამოაშკარავებული და აღკვეთილი იქნა СБУ-ს დივერსიული და სადაზვერვო ჯგუფის საქმიანობა. მათი ამოცანები მოიცავდა ტერორისტული აქტების განხორციელებას ხერსონის ოლქის სამხედრო-სამოქალაქო ადმინისტრაციის მაღალჩინოსნების წინააღმდეგ", - აცხადებენ რუსეთის ФСБ-ში.

ФСБ-ს მტკიცებით, დაკავებულებს, სავარაუდოდ, СБУ-ს ოფიცრები - სამირ შკუროვი, ვიქტორ ხომიაკი და დიმიტრი სიდეი კურატორობდნენ.

„ოპერატიული ღონისძიებების ფარგლებში, ამოღებულია 5 კგ-ზე მეტი პლასტმასა, ელექტრო დეტონატორები, 3 ყუმბარა, მცირე იარაღი და საბრძოლო მასალა, ასევე სპეციალური სადაზვერვო ტექნიკა", - ამბობენ ФСБ-ში.

"რია ნოვოსტის" ინფორმაციით, უშიშროების ძალებმა ასევე აღმოაჩინეს და გაანეიტრალეს ბომბის მანქანა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს