დღეს აშშ-ში შუალედური არჩევნები იმართება. შედეგემის მიხედვით გადაწყდება, ვინ გააკონტროლებს საკანონმდებლო ორგანოს ბაიდენის საპრეზიდენტო ვადის ბოლო ორ წელს.

წინასაარჩევნოდ ჩატარებული გამოკითხვით დგინდება, რომ  ქვედა პალატას, დიდი ალბათობით, რესპუბლიკელები გააკონტროლებენ. რაც შეეხება კონგრესის ზედა პალატას - შანსები თანაბარია. 

არაპარტიული არჩევნების პროგნოზით, რესპუბლიკელები სავარაუდოდ დაიკავებენ დაახლოებით 25 ადგილს 435 ადგილიან წარმომადგენელთა პალატაში, რაც საკმარისზე მეტია უმრავლესობის მოსაპოვებლად. ანალიტიკოსების თქმით, რესპუბლიკელებს ასევე შეუძლიათ დაიკავონ ერთი ადგილი, რომელიც მათ სჭირდებათ სენატის კონტროლის მოსაპოვებლად.

აშშ-ს შუალედური არჩევნების წინ, მოქმედმა პრეზიდენტმა ჯო ბაიდენმა განაცხადა, რომ რესპუბლიკელთა გამარჯვებამ შეიძლება შეასუსტოს ქვეყნის დემოკრატიული ინსტიტუტები. 

"დღეს ჩვენ ვდგავართ გადამტეხი მომენტის წინაშე. ჩვენ ვიცით, რომ ჩვენს დემოკრატიას საფრთხე ემუქრება და ვიცით, რომ ეს თქვენი მომენტია მისი დასაცავად", - უთხრა ბაიდენმა მხარდამჭერებს. 

რესპუბლიკელები ბაიდენის ადმინისტრაციას ადანაშაულებენ ფასების ზრდაში, რაც ამჟამად, ამერიკელების მთავარი პრობლემაა. 

ტრამპმა არაერთხელ მიანიშნა, რომ შესაძლოა კვლავ იყაროს კენჭი საპრეზიდენტო არჩევნებში. ოჰაიოში რესპუბლიკური კანდიდატების გასაძლიერებლად გამართულ მიტინგზე ტრამპმა თქვა, რომ განცხადებას გააკეთებს არჩევნებიდან ერთი კვირის შემდეგ.

”მე ვაპირებ ძალიან დიდ განცხადების გაკეთებას სამშაბათს, 15 ნოემბერს, მარ-ა-ლაგოში, პალმ ბიჩში, ფლორიდაში,” - თქვა მან.

თუ რესპუბლიკელები მოიგებენ პალატას ან სენატს, ეს დაასრულებს ბაიდენის ძალისხმევას კონგრესის მეშვეობით აბორტის დაცვისა და სხვა დემოკრატიული პრიორიტეტების მისაღებად. ეს ასევე გაუხსნის კარს რესპუბლიკელების ხელმძღვანელობით გამოძიებებისთვის, რამაც შესაძლოა ზიანი მიაყენოს თეთრ სახლს. რესპუბლიკელების ხელმძღვანელობით სენატმა ასევე შეიძლება დაბლოკოს ბაიდენის კანდიდატურები სასამართლო ან ადმინისტრაციულ პოსტებზე.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს