ელექტროენერგიის სრული გათიშვის შემთხვევაში, კიევის ხელისუფლებამ მოსახლეობის სრული ევაკუაციის დაგეგმვა დაიწყო. აღნიშნულ ინფორმაციას The New York Times ავრცელებს.

ევაკუაციის შემთხვევაში, უკრაინის დედაქალაქის დატოვება 3 მლნ მცხოვრებს მოუწევს.

BBC-ის რუსულენოვანი სამსახური წერს, რომ კიევის მერი, ვიტალი კლიჩკო, რომელიც შესაძლებლად მიიჩნევს ელექტროენერგიისა და წყალმომარაგების სრულ შეწყვეტას, მოსახლეობას მოუწოდებს, გააკეთონ საჭირო მარაგი, ან ქალაქის დროებით დატოვების შესაძლებლობა გამონახონ.

"ჩვენ ყველაფერს ვაკეთებთ იმისთვის, რომ ეს არ მოხდეს, მაგრამ მოდით ვიყოთ გულწრფელები: ჩვენი მტრები ყველაფერს აკეთებენ იმისთვის, რომ ქალაქი იყოს სითბოს გარეშე, ელექტროენერგიისა და წყლის მიწოდების გარეშე და საერთოდ, რომ ყველა დავიხოცოთ", - აცხადებს კლიჩკო.

მერი არწმუნებს მოსახლეობას, რომ ხელისუფლება სხვადასხვა სცენარის მომზადებას ცდილობს. 

ცნობისთვის, ენერგიის დაზოგვის მიზნით კიევში 6 ნოემბრიდან საათობრივი გათიშვაა დაწესებული.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს