ირანი ცრუობს, როდესაც ამბობს, რომ რუსეთს მცირე რაოდენობის უპილოტო საფრენი აპარატები გადასცა, ჩვენ ყოველდღიურად 10 ირანულ "შაჰიდ-136"-ს ვანადგურებთ, - ასე ეხმაურება უკრაინის პრეზიდენტი, ვოლოდიმირ ზელენსკი ირანის აღიარებას, რომ რუსეთს დრონები შეზღუდული რაოდენობით ომის დაწყებამდე მიაწოდა.

ზელენსკის განცხადებით, სიცრუესთან ერთად, თეირანი ირანელი ინსტრუქტორების მიერ რუსების მომზადების საკითხზე დუმს.

„იყო შეტყობინებები ირანიდან, ოფიციალური წარმომადგენლებისგან. მათ გადაწყვიტეს ეღიარებინათ, რომ აწვდიდნენ თვითმფრინავებს რუსული ტერორისთვის, მაგრამ ამ აღიარებაშიც იცრუეს. ჩვენ ყოველდღიურად ვაგდებთ სულ მცირე 10 ირანულ თვითმფრინავს და ირანის რეჟიმი აცხადებს, თითქოს ცოტა რაოდენობა გასცა სრულმასშტაბიანი შემოჭრის დაწყებამდე. მხოლოდ გუშინ განადგურდა 11 "შაჰიდი". 

ჩვენ ზუსტად ვიცით, რომ ირანელი ინსტრუქტორები რუსებს უპილოტო თვითმფრინავების გამოყენებას ასწავლიდნენ და თეირანი დუმს ამაზე. თუ ირანი განაგრძობს ტყუილს, ეს ნიშნავს, რომ მსოფლიო კიდევ უფრო მეტ ძალისხმევას ჩადებს რუსეთისა და ირანის რეჟიმებს შორის ტერორისტული თანამშრომლობის გამოსაძიებლად", - განაცხადა ზელენსკიმ.

უკრაინის პრეზიდენტის თქმით, ტერორისტი და მისი თანამზრახველი დაუსჯელი არ დარჩება.

ცნობისთვის, ირანის საგარეო საქმეთა მინისტრმა გუშინ, 5 ნოემბერს პირველად აღიარა, რომ ქვეყანამ რუსეთს დრონები მიაწოდა. ჰოსეინ ამირაბდოლაჰიანის მტკიცებით, ტრანსფერი ომის დაწყებამდე განხორციელდა.

მანამდე, ირანის საგარეო საქმეთა მინისტრი აცხადებდა, რომ ირანი უკრაინაში მეომარ მხარეებს იარაღს არ უგზავნიდა და ომის დასრულება სურდა. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს