შეწყვიტეთ თვალთმაქცური საქციელი,- ასე გამოეხმაურა ირანის საგარეო საქმეთა მინისტრი, ჰოსეინ ამირაბდოლაჰიანი ჯო ბაიდენის განცხადებას, რომელმაც პირობა დადო, რომ "ირანს მალე გაათავისუფლებენ". 

მისი თქმით, თეთრი სახლი სულ უფრო მეტად უწყობს ხელს ძალადობასა და ტერორს ირანში.

„თეთრი სახლი სულ უფრო მეტად უწყობს ხელს ძალადობასა და ტერორს ირანში ბოლო არეულობის დროს, იმავდროულად ის ცდილობს მიაღწიოს ბირთვულ შეთანხმებას... ბატონო ბაიდენ, შეწყვიტეთ თვალთმაქცური საქციელი“,- განაცხადა ამირაბდოლაჰიანმა.

შეგახსენებთ, რომ აშშ-ის პრეზიდენტმა ჯო ბაიდენმა, წინასაარჩევნო კამპანიის ფარგლებში, პირობა დადო, რომ ირანს გაათავისუფლებს. 

ცნობისთვის, ირანში საპროტესტო აქციები თვეზე მეტია გრძელდება. პოლიციელების წინააღმდეგ გამართულ დემონსტრაციებს სულ მცირე  201 ადამიანი, მათ შორის 23 ბავშვი ემსხვერპლა.

საქმე ეხება 22 წლის მაჰსა ამინს, რომელიც ირანში ჰიჯაბის ტარების კანონების დარღვევისთვის დააპატიმრეს, რის შემდეგაც იგი კომაში ჩავარდა და გარდაიცვალა. აღნიშნულმა ფაქტმა,  გამოიწვია დემონსტრაციები მრავალ რაიონში, მათ შორის დედაქალაქში.

პოლიციის მტკიცებით, ახალგაზრდა ქალი ავად გახდა, როდესაც ის სხვა ქალებთან ერთად ელოდებოდა პოლიციას. მაგრამ ამინის მამამ არაერთხელ თქვა, რომ მის ქალიშვილს ჯანმრთელობის პრობლემები არ ჰქონდა და დასძინა, რომ მას ფეხის სისხლჩაქცევები ჰქონდა. 

თეთრი სახლის სპიკერის თქმით, „მაჰსა ამინისთვის სასიკვდილო ჭრილობები მიყენებული იქნა იმის გამო, რომ ის ატარებდა "არაშესაფერისს" ჰიჯაბს, რაც არის ადამიანის უფლებების შემზარავი და საშინელი შეურაცხყოფა“.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს