D ვიტამინი წარმოადგენს ორგანიზმის მნიშვნელოვან ნუტრიენტს, რომელიც მას სჭირდება ჯანსაღი ძვლების ასაგებად და შესანარჩუნებლად. D ვიტამინი არეგულირებს სხვა ბევრ უჯრედულ ფუნქციას ორგანიზმში, კონკრეტულად მის ანთების საწინააღმდეგო, ანტიოქსიდანტურ და ნეიროდამცველობით თვისებებს, ასევე  კუნთების და თავის ტვინის აქტიურ ფუნქციონირებას. 

მეორეს მხრივ D ვიტამინის ნაკლებობა სხვადასხვა სახის პრობლემების განვითარებას იწვევს პაციენტებში.

D ვიტამინი ნაკლებობა და მისი სიმპტომები

D ვიტამინის ნაკლებობა შესაძლოა ასიმპტომურად მიმდინარეობდეს ან თან ახლდეს ისეთი ზოგადი სიმპტომები, რომლებიც ხშირად შესაძლოა პაციენტებმა ვერ დაუკავშირონ ვიტამინის დეფიციტს.

D ვიტამინის ნაკლებობას შესაძლოა თან ახლდეს შემდეგი სიმპტომები:

•       დაღლილობა;

•       ძილის დარღვევები;

•       ძვლების ტკივილი;

•       დეპრესია ან დაქვეითებული გუნება-განწყობა;

•       თმის ცვენა;

•       კუნთების სისუსტე;

•       მადის დაქვეითება;

•       იმუნიტეტის დაქვეითება;

•       ფერმკრთალი კანის ქონა. 

D ვიტამინის ბენეფიტები

•       კიბო - კიბოს პროფილაქტიკისთვის D ვიტამინის მიღების შესახებ დასკვნები შერეულია. არსებობს კვლევები, რომლებიც ადასტურებენ D ვიტამინის მიღებისას კიბოს განვითარების პრევენციას.

•       კოგნიტური ჯანმრთელობა - კვლევებმა აჩვენა, რომ D ვიტამინის მიღებით შესაძლებელია კოგნიტური ფუნქციონირების გაუმჯობესება.

•       ძვლის მემკვიდრეობითი დარღვევები - D ვიტამინის დანამატები შეიძლება გამოყენებულ იქნას იმ მემკვიდრეობითი დაავადებების სამკურნალოდ, რომლებიც გამოწვეულია D ვიტამინის ათვისების ან გადამუშავების უუნარობით, მაგალითად ოჯახური ჰიპოფოსფატემია.

•       გაფანტული სკლეროზი - კვლევებმა აჩვენა, რომ D ვიტამინის ხანგრძლივი მიღება ამცირებს გაფანტული სკლეროზის რისკს.

•       ოსტეომალაცია - D ვიტამინის დანამატები გამოიყენება მოზრდილებში მისი მძიმე დეფიციტის სამკურნალოდ და ასევე საპრევენციოდ.

•       ოსტეოპოროზი – კვლევების თანახმად ადამიანები, რომლებიც იღებენ D ვიტამინის და კალციუმის საკმარის რაოდენობას თავიანთი დღის რაციონში, შეუძლიათ შეანელონ ძვლის მინერალების დაკარგვა, ხელი შეუწყონ ოსტეოპოროზის თავიდან აცილებას და ძვლის მოტეხილობების განვითარებას.

•       ფსორიაზი - D ვიტამინის ან ადგილობრივი პრეპარატის გამოყენებამ, რომელიც შეიცავს D ვიტამინის ნაერთს, სახელწოდებით კალციპოტრიენს, შეიძლება განკურნოს ფსორიაზი ზოგიერთ ადამიანში.

•       რაქიტი - ვითარდება D ვიტამინის დეფიციტის მქონე ბავშვებში. D ვიტამინის მიღებას ბავშვთა ასაკში შეუძლია ამ პრობლემის თავიდან აცილება და მკურნალობა.

როგორ მივიღოთ D ვიტამინი?

 D ვიტამინი ბუნებრივად არ მოიპოვება ბევრ საკვებში, თუმცა მისი მიღება შესაძლებელია კვერცხის გულიდან, საქონლის ღვიძლიდან და ისეთი თევზეულიდან, როგორიცაა ორაგული, სკუმბრია და სარდინიები.

ორგანიზმს თავისით შეუძლია D ვიტამინის პროდუქცია, მაშინ როდესაც მასზე მოქმედებენ მზის პირდაპირი სხივები. ისინი გარდაქმნიან კანში არსებულ ქიმიურ ნივთიერებებს D ვიტამინის აქტიურ ფორმებად (კალციფეროლად). ვიტამინის გამომუშავების რაოდენობა დამოკიდებულია ისეთ ფაქტორებზე, როგორიცაა კანის პიგმენტი, დღის მონაკვეთი და სეზონი. მისი გამომუშავების დონე იკლებს ზამთრის პერიოდში.

D ვიტამინის დღიური დოზა მოზრდილებში უნდა შეადგენდეს 1500-2000 UI ერთეულს. მისი ტაბლეტირებული ფორმით ან წვეთების სახით მიღება შესაძლებელია როგორც სამკურნალო (დეფიციტის დროს), ისე საპროფილაქტიკო დოზებში.

აუცილებლად დაუკავშირდით თქვენს ოჯახის ექიმს, რათა შეგერჩეთ სწორი დოზა და მოხდეს თქვენი D ვიტამინის დონის სწორი მართვა. იმისათვის, რათა გაიაროთ აუდიო ან ვიდეო კონსულტაცია სახლიდან გაუსვლელად გამოიყენეთ REDMED-ის მოსახერხებელი აპლიკაცია.

ავტორი: R (რეკლამა),

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის