მტერმა სამჯერ გააძლიერა საომარი მოქმედებების ინტენსივობა ფრონტის გარკვეულ მონაკვეთებზე, - ამის შესახებ უკრაინის შეიარაღებული ძალების მეთაურმა, ვალერი ზალუჟნიმ ევროპაში ნატო-ს ძალების მეთაურთან, კრისტოფერ კავოლისთან სატალეფონო საუბრის დროს განაცხადა.

როგორც ზალუჟნი Telegram-ზე წერს, კავოლის მიაწოდა ინფორმაცია, რომ რუსი ოკუპანტების მიერ ფრონტზე ყოველდღიურად 80-მდე თავდასხმა ხორციელდება. 

"ფრონტზე არსებული ვითარება დაძაბულია, მაგრამ კონტროლირებადი. ჩვენი ჯარისკაცების სიმამაცისა და ოსტატობის წყალობით, ჩვენ ვიცავთ თავს", - ამბობს უკრაინის შეიარაღებული ძალების მეთაური.

ზალუჟნი ყურადღებას რუსეთის მხრიდან დრონების გამოყენებასა და  სარაკეტო თავდასხმების შედეგად შექმნილ პრობლემებზეც ამახვილებს.

"ჩვენს პარტნიორებს ესმით უკრაინის რაკეტსაწინააღმდეგო და საზენიტო თავდაცვის სისტემების მიწოდების აუცილებლობა და ამისთვის მნიშვნელოვან ძალისხმევას მიმართავენ", - ამბობს ზალუჟნი.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს