G7-ის ქვეყნები და ავსტრალია პირობითად შეთანხმდნენ, რომ თვის ბოლოს რუსული ნავთობის ზღვრული ფასი დააწესონ. ამის შესახებ ინფორმაციას გამოცემა Reuters საკუთარ წყაროზე დაყრდნობით ავრცელებს. 

როგორც გამოცემა წერს, შეერთებული შტატებისა და G7-ის ქვეყნების წარმომადგენლები რამდენიმე კვირის განმავლობაში ინტენსიურ მოლაპარაკებებს აწარმოებენ რუსეთიდან ოფშორული ნავთობის მიწოდების ფასის ზღვრის დაწესებაზე. ასეთი ნაბიჯი უზრუნველყოფს, რომ ევროკავშირისა და აშშ-ის სანქციები, რომლებიც დაწესდა რუსეთს უკრაინაში შეჭრის გამო, არ დახურავს ნავთობის გლობალურ ბაზარს.

"კოალიცია დათანხმდა, რომ ლიმიტი იქნება ფიქსირებული ფასი, რომელიც რეგულარულად განიხილება და არა ინდექსირებული ფასის ფასდაკლებით. ეს გაზრდის ბაზრის სტაბილურობას და გაამარტივებს შესაბამისობას ბაზრის მონაწილეებზე ტვირთის მინიმუმამდე შესამცირებლად", - ამბობს წყარო.

რუსული ნავთობის ზღვრული ფასის გადახედვის რეგულარული მექანიზმი, საჭიროების შემთხვევაში, დაასტაბილურებს ბაზარს. გარდა ამისა, ის არ მისცემს რუსეთს ფასების მანიპულირების საშუალებას.

რუსეთი ნავთობპროდუქტების ბაზარზე გავლენიანი მოთამაშე იყო. თუმცა, უკრაინაში რუსეთის შემოჭრისა და სანქციების გამო, მისმა გავლენამ კლება დაიწყო. 

ევროკავშირი ამკაცრებს სანქციებს რუსეთის ფედერაციაზე, რამაც შეიძლება პუტინს საშუალება მისცეს გამოიყენოს ნავთობი შანტაჟის იარაღად, როგორც ეს გააკეთა რუსული გაზის შემთხვევაში.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს