გერმანიის პრეზიდენტის, ფრანკ-ვალტერ შტაინმაიერის განცხადებით, გერმანია უკრაინას ორ რეაქტიულ სისტემას და ოთხ ჰაუბიცას გადასცემს. ამის შესახებ უკრაინაში მყოფმა შტაინმაიერმა პრეზიდენტ ვოლოდიმირ ზელენსკისთან შეხვედრის შემდეგ გამართულ ბრიფინგზე განაცხადა.

შტაინმაიერის თქმით, გერმანია უკრაინის დახმარებას საჰაერო თავდაცვის სისტემებით გააგრძელებს.

„მე გეთანხმებით თქვენ, რომ საჭიროა სამართლიანი მშვიდობა. მშვიდობამ, რომელიც პუტინს სურს, შესაძლოა, ახალი ომი გამოიწვიოს“, - ასე მიმართა ფრანკ-ვალტერ შტაინმაიერმა ვოლოდიმირ ზელენსკის შეხვედრისას.

ზელენსკის თქმით, შეხვედრაზე გერმანიის პრეზიდენტთან ერთად, უკრაინისა და ევროპის წინაშე არსებული გამოწვევები განიხილა.

"უკრაინაში მშვიდობის დამყარებაში და ჩვენი ქვეყნის ტერიტორიული მთლიანობის აღდგენაში გერმანიის წვლილი ნამდვილად ძალიან მნიშვნელოვანია“, - თქვა უკრაინის პრეზიდენტმა.

შეგახსენებთ, გერმანიის პრეზიდენტი უკრინაში გუშინ, 25 ოქტომბერს ჩავიდა. 

ვიზიტის დროს, ჩერნიგოვის რეგიონში, ქალაქ კორიუკოვკაში ფრანკ-ვალტერ შტაინმაიერს საჰაერო განგაშის დროს თავშესაფარში გადასვლაც მოუწია. 

აღსანიშნავია, რომ შტაინმაიერს თავდაპირველად ზელენსკისთან შეხვედრა გასულ ხუთშაბათს სურდა, თუმცა, მან ვიზიტი გადადო, რადგან საგარეო უწყებას და შინაგან საქმეთა სამინისტროს ისევე, როგორც ფედერალურ პოლიციას და სხვა ხელისუფლებას, აშკარად ჰქონდათ უსაფრთხოების პრობლემები.

გასულ კვირას ვიზიტის გაუქმების შემდეგ, უკრაინისა და გერმანიის პრეზიდენტებმა სატელეფონო საუბარი გამართეს.

გაზაფხულზე კიევსა და ბერლინს შორის ურთიერთობებში დამატებითი დაძაბულობა გაჩნდა შტაინმაიერის ვიზიტზე უარის თქმის გამო - უკრაინულმა მხარემ უარი თქვა მის მიღებაზე რუსეთთან მრავალწლიანი მჭიდრო ურთიერთობის გამო, სანაცვლოდ კი ფედერალური კანცლერი მოიწვია.

ავტორი: ექსპრესნიუსი,

სოციალური ქსელები

აშშ-მ და რუსეთმა ამერიკელი ინვესტორის მონაწილეობით „ჩრდილოეთის ნაკადი 2“-ის აღდგენის საკითხი განიხილეს

პროსტიტუციის ხელშეწყობისა და პროსტიტუციისთვის ადგილის გადაცემის ბრალდებით 21 პირი დააკავეს და 11 ობიექტი დალუქეს

პროდუქტებზე ფასდაკლების პორტალი Ekalata.gov.ge უკვე Android-ისა და iOS-ის მობილურ აპლიკაციებშია ხელმისაწვდომი

ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება